Enjins begin luier vir 52ste Tara

Allan Martin en Maretha Olivier (navigator) sal ná twee jaar die kans kry om hul 2019-kroon in die Tara-tydren te verdedig. Windhoek-motorklub (WMC) sal op 3 en 4 Junie met die ondersteuning van Quartz Engine Oil vir die eerste keer sedert die wêreldwye pandemie weer die immer gewilde Tara-tydren aanbied.Die 20 spesiale sneldele (SS’e) en twee superspesiale sneldele oor altesame 179 kilometer sal by Windhoek, Okahandja, Wilhelmstal en Aris gejaag word. Die spesiale supersneldele word op die Vrydagaand en die Saterdagmiddag by die Tony Rust-renbaan afgehandel wat uitstekende vermaak vir toeskouers sal bied.Die WMC Tara sal die Vrydagoggend nege-uur by die Tony Rust-baan begin en die aand daar eindig. Saterdagoggend bgin die tweede en laaste dag van dié ikoniese byeenkoms by dieselfde venue en tyd.Martin en Olivier, die verdedigende Tara-kampioene van 2019, sal hul titel in Martin se 1.6T 4x4 Skoda verdedig. Jaco van Dyk en Michel Rust, wat in 2019 die veldafdeling gewen het, sal weens persoonlike omstandighede nie inskryf nie. Rust is wel by die byeenkoms betrokke.Pieter Greeff en JP Robinson (S1-wenners en algeheel tweede) sal vir Mohatu (1.6 Corolla) opnuut laat werk. Hoewel Etienne van der Heever en Willy van Wyk (tweede in die S1-klas en algeheel derde) se nuwe renmotor regstaan, sal Van der Heever weens mediese redes ook nie jaag nie. Gert Liebenberg en Johan Thiart wat in 2019 algeheel derde in die veldrenafdeling geëindig het, is ook nie beskikbaar nie. Moontlike deelnemers sluit in:Karre: Martin/Olivier, Wilro Dippenaar/Carolyn Swan, Richard Slamet/Cecil Koorts (S4), Kai Pretorius/Dian van der Merwe (S2), Greeff/Robinson, Steven Marnevick/Jodine van Zyl, Pierre Röhm/Berto Mostert (S1).Veldafdeling: Jandré Dippenaar/Giellie Visser, Dirk Redman/Flippie Liebenberg, Attie de Jager/Frikkie Engelbrecht (CR2), Willie Schoemann/SJ Schoemann, Ewald Bischoff/Hein Bischoff, Wido Bartsch/Raymond Fourie, Werner Bartsch/Christel Fourie, Rolf Pretorius/Katja Pretorius (CR1).Gesoute spanne wat nie kan inskryf nie: Karre: Jaco Redelinghuys/Derek Jacobs, Zachary Martin/Mandi Hugo (S4), Dewet du Plessis/Willem Hugo (S3), Hanré Myburgh/Geon Ellis, Jan Everson/Fanie Botes (S2), Welmie Kühn/Tara Myburgh (S1). Veldafdeling: Stefan Labuschagne/Lappies Labuschagne (CR2), Niekie Swart/NG Swart (CR1), Bertie Smit/Dewald Venter (CR2).DIE VERSKILLENDE AFDELINGSS-klas sedans S1: Tweewieltrekkarre (2x4) tot 1 600 kubieke centimeter kapasiteit (cc), sonder turbo of superaanjaer.S2: Tweewieltrekkarre (2x4) 1 601 tot 2 000 cc, sonder turbo of superaanjaer.S3: Tweewieltrek en 4x4-aangedrewe karre tussen 2 001 en 3 000 cc, sonder turbo of superaanjaer. S4: Tweewieltrekkarre met enjins groter as 3 000 cc, sonder turbo of superaanjaer. Vierwieltrekkarre van 1 400 cc wat met ’n turbo of superaanjaer toegerus is, val ook in die klas.Veldafdeling (Rally Challenge Class vir bakkies en Sandmasters). CR1: Alle 2x4-voertuie (ongeag die cc-grootte).CR2: All 4x4-voertuie (ongeag die cc-grootte).VORIGE TARA-KAMPIOENE1969 Chris Liebenberg/André de Jager, Renault Gordini (NAM). 1970 Pix von Prittwitz/Larry Kritzinger, VW Beetle (NAM). 1971 Dieter Gaus/Udo Weck, 3.0 Ford Capri (NAM). 1972 Louis Cloete/Willem van Heerden, Ford Escort (RSA). 1973 Louis Cloete/Willem van Heerden, Opel Manta. 1974 Jannie Kuun (RSA)/Peter Gaus (NAM), 1.9 Corolla GSL. 1975 Buks Visser/Ingo Kiesewetter, 1.6 Datsun SSS (NAM). 1976 Geoff Mortimer/Chris Hawkins, Leyland Marina (RSA). 1977 Sarel van der Merwe/R. de Jager, Leyland Marina (RSA). 1978 Geoff Mortimer/Spotty Woodhead, Chevair (RSA). 1979 Uwe Molzahn/Louis van Zyl, Ford Escort (NAM). 1980 Manie Swanepoel/Siggi Wiedenroth, Datsun 1.8 SSS (NAM). 1981 Sarel van der Merwe/Franz Boshoff, Ford Escort (RSA). 1982 Jürgen Engling/Peter van der Merwe, Datsun 140Y (NAM). 1983 Johan Hugo/Deon Barnard, Datsun 180Y (NAM). 1984 Laurence Koch/Dippies Dippenaar, 1.6 Corolla (NAM). 1985 Laurence Koch/Dippies Dippenaar, 1.6 Corolla (NAM). 1986 Rolf Pretorius/Hans Pretorius, 1.8 Corolla (NAM). 1987 Piet Oosthuizen/Wolfgang Pack, 2.8 Corolla Liftback (NAM). 1988 Llewellyn Anthony/Jan Gous, 2.8 Nissan Langley (NAM). 1989 Theo Coetzee/Willem Hugo, 2.8 Nissan Skyline (NAM). 1990 Uwe Kessler/Brian Enslin, 2.0 VW Golf (NAM). 1991 Junior Bruwer/Wicus Bruwer, 2.6 Mazda-4x4 (NAM). 1992 Johan Evertse/Peter Cuffley, Golf Syncro (RSA). 1993 Roelof Coertzen/Martin Botha, 4x4-Ford Sapphire (RSA). 1994 Roelof Coertzen/Jillian Tarlton, 4x4-Ford Sapphire (RSA). 1995 Fritz Flachberger/Wicus Bruwer, Ford Escort (NAM). 1996 Serge Damseaux/Pierre Arries, Corolla Conquest (RSA). 1997 Llewellyn Anthony/Wicus Bruwer, 4x4-Ford Sapphire (NAM).1998 Enzo Kuun/Martin Botha, Daewoo (RSA). 1999 Richard Himmel/Adolf Botes, Corolla Conquest (NAM). 2000 Serge Damseaux/Guy Hodgson, Toyota Hilux (RSA). 2001 Hannes Grobler/Richard Leeke, Nissan Hardbody (RSA). 2002 Schalk Burger/Piet Swanepoel, Subaru Impreza (RSA). 2003 Gerhard Truter/Tobie Barlow, Audi Quattro (NAM). 2004 Gerhard Truter/Michael van Zyl, Audi Quattro (NAM). 2005 Ettienne Lourens/André Vermeulen, Corolla (RSA). 2006 Richard Himmel/Adolf Botes, Corolla (NAM). 2007 Jean-Pierre Damseaux/André Vermeulen, Toyota RunX (RSA). 2008 Jean-Pierre Damseaux/André Vermeulen, Toyota RunX (RSA). 2009 Hergen Fekken/Pierre Arries, VW Polo S2000 (RSA). 2010 Hergen Fekken/Pierre Arries, VW Polo S2000 (RSA). 2011 Wilro Dippenaar/Morné du Toit, Toyota RunX S2000 (NAM). 2012 Willie Dames (NAM)/Armand du Toit (RSA), VW Polo S2000. 2013 Japie van Niekerk/Gerhard Snyman, Ford Fiesta S2000 (RSA). 2014 Japie van Niekerk/Gerhard Snyman, Ford Fiesta S2000 (RSA). 2015 Richard Slamet/Wiets Coetzee, Toyota RunX S2000 (NAM). 2016 Japie van Niekerk/Robin Houghton, Ford Fiesta S2000 (RSA). 2017 Wilro Dippenaar/Riaan van der Westhuizen, Toyota Auris S2000 (NAM). 2018 Japie van Niekerk/Gerhard Snyman, Ford Fiesta S2000 (RSA).2019 Allan Martin/Maretha Olivier, 1.6T Skoda Fabia (NAM).

Enjins begin luier vir 52ste Tara

Kommentaar

Republikein 2024-11-22

Meld asseblief aan om kommentaar te lewer

Enjins begin luier vir 52ste Tara

Kommentaar

Republikein 2024-11-22

Meld asseblief aan om kommentaar te lewer

MELD AAN

Advertensie