Gelykop teen Ghana maak Benjamin trots

Die Tafel Lager Brave Warriors se afrigter, Collin Benjamin, was in sy noppies nadat sy Namibiese span Maandagaand teen een van Afrika se voorste sokkernasies, Ghana, in die Baba Yara-stadion in Kumasi in die Wes-Afrikaanse land met 0-0 gelykop gespeel het.Die sterbelaaide Black Stars van Ghana het van die wapens ingespan wat hulle tydens die komende Afrika Nasiebekertoernooi gaan gebruik.Die Ghanese span kon egter geen doel behaal teen die lewendige Namibiese besoekers nie.Dit was inderdaad die Brave Warriors wat in die eerste helfte ’n paar doelkanse geskep het en die waarskynlikste gelyk het om die voortou te neem.Benjamin sê: “Ek reken ons het ’n baie goeie toets gehad teen ’n baie goeie span wat taktiese en fisieke sokker met individuele briljantheid speel.“Ek sou egter sê my span ’n baie goeie taak verrig deur so ’n sterk groep weg van die huis af doelloos te hou.“Hulle het dit as ’n kollektief met baie energie gedoen, en ek is net trots op die ouens," het Benjamin gesê.Gedurende die tweede helfte het Ghana gereeld vorentoe gespeel in die strewe om ’n doel te behaal.Maar Namibië se verdedigingslinie het gehou en verseker dat hulle moeilik is om deur te dring.Die Tafel Lager Brave Warriors het ook by verskeie geleenthede mans vorentoe gestoot en probeer om die Ghanese met teenaanvalle te betrap.Beide spanne het die wedstryd gebruik ter voorbereiding op die 2023 Afrikabeker, wat vandeesweek in Ivoorkus begin. Namibië se veldtog open op Dinsdag 16 Januarie teen Tunisië, met die ander groepwedstryd teen Suid-Afrika en Mali.

Gelykop teen Ghana maak Benjamin trots

Kommentaar

Republikein 2025-04-21

Meld asseblief aan om kommentaar te lewer

Gelykop teen Ghana maak Benjamin trots

Kommentaar

Republikein 2025-04-21

Meld asseblief aan om kommentaar te lewer

MELD AAN

Advertensie