Groot WB-triomf vir Cormack se manne
Hokkie
'n Plek in die haleindstryd wink vir kaptein DJ Strauss en sy manspan.
Die MTC Namibiese manshokkiespan het gister in uitmuntende styl sy eerste oorwinning by ’n FIH Binnenshuise Wêreldbeker behaal toe hy Kazakstan in Pretoria met 6-2 oorskadu het.
Vir afrigter Trevor Cormack en die veterane soos Ernst Jacobs en die spankaptein DJ Strauss kan die betekenis van hierdie deurbraak ná jare van toewyding ondanks frustrasie en wipplank-uitslae kwalik oorskat word.
Die Namibiërs het boonop nou ’n werklike kans om ’n plek in die kwarteindronde van die wêreldtoernooi af te dwing en bevind hulle tans in die vierde posisie in groep B.
Die selfvertroue waarmee die jong Namibiese spanlede die tempo gehandhaaf het en deurgaans in beheer van die wedstryd was, was ’n groot genot om te aanskou en het lofprysings van die TV-kommentators uitgelok.
Aanduidings van hierdie uitslag kon reeds die vorige dag gesien word, toe Strauss-hulle die baie sterk Oostenrykers (heersende WB-titelhouers van 2018) vir ’n lang tyd tot net een doel beperk het voor hul taai nederlaag met 0-2.
Die Namibiërs se spanwerk, organisering en vaardighede was topklas en hulle het vir geen oomblik planloos gelyk nie. Inteendeel, met die energie waarmee spelers soos Percy Barthram, Nico Neethling, die Britz-broers David en JP, Liam Hermanus, Brynn Cleak en die Hansen-broers Dakota en Fagan gespeel het, sal Namibiërs graag wil sien hoe ver hul span kan vorder.
Die manspan speel vanoggend (09:40) volgende teen die gedugte België – agtste op die wêreldranglys teenoor Namibië se 16de posisie. Die Belgiërs is te danke aan groot oorwinnings teen Nieu-Seeland (7-2) en Kazakstan (7-1) tweede in groep A met ses punte, ewe veel as die voorloper Nederland en die derde geplaaste Oostenryk. Vierde volg Namibië (3 punte) en die puntelose Nieu-Seeland en Kazakstan.
Die Namibiese doele gister is deur deur Liam Hermanus (2), David Britz, Percy Barthram (2) en Brynn Cleak aangeteken.
Kaptein DJ Strauss is welverdiend as speler van die wedstryd aangewys ná verskeie uitmuntende stukkies keerwerk voor die doelkas.
VROUE VAL VAS
Afrigter Erwin Handura sou egter teleurgesteld wees in sy hoog gerekende Namibiese vrouespan se nederlaag met 1-2 teen Oekraïne.
Die Europeërs het hiermee wraak geneem vir hul nederlaag teen Namibië in 2018, toe Kiana Cormack as 16-jarige gesamentlik die voorste doelskieter in die wêreldtoernooi was (nege treffers in ses wedstryde).
Gister was Azaylee Philander se doel die enigste beloning vir die Afrika-titelhouers, wat in die vyfde posisie in groep B bly en nou onder druk is om die uitklopfase vir die topagt te haal.
“Dit was ’n baie gelykop stryd en die verskil was dat Oekraïne hul kanse voor die doelhok afgerond het,” het Handura agterna in ’n onderhoud gesê.
“Ons het een keer die regoppaal getref, maar ons fasette van strafhoeke af werk glad nie. Ons het meer geleenthede as hulle geskep. Dit is sover ons tekortkoming in die toernooi, dat ons nie ons doelkanse benut nie.
“Ons is steeds in die toernooi. Ons sal nou beide ons oorblywende wedstryde teen België en Tsjeggië moet wen om op sewe punte te eindig en te hoop dis genoeg.”
– [email protected]
Vir afrigter Trevor Cormack en die veterane soos Ernst Jacobs en die spankaptein DJ Strauss kan die betekenis van hierdie deurbraak ná jare van toewyding ondanks frustrasie en wipplank-uitslae kwalik oorskat word.
Die Namibiërs het boonop nou ’n werklike kans om ’n plek in die kwarteindronde van die wêreldtoernooi af te dwing en bevind hulle tans in die vierde posisie in groep B.
Die selfvertroue waarmee die jong Namibiese spanlede die tempo gehandhaaf het en deurgaans in beheer van die wedstryd was, was ’n groot genot om te aanskou en het lofprysings van die TV-kommentators uitgelok.
Aanduidings van hierdie uitslag kon reeds die vorige dag gesien word, toe Strauss-hulle die baie sterk Oostenrykers (heersende WB-titelhouers van 2018) vir ’n lang tyd tot net een doel beperk het voor hul taai nederlaag met 0-2.
Die Namibiërs se spanwerk, organisering en vaardighede was topklas en hulle het vir geen oomblik planloos gelyk nie. Inteendeel, met die energie waarmee spelers soos Percy Barthram, Nico Neethling, die Britz-broers David en JP, Liam Hermanus, Brynn Cleak en die Hansen-broers Dakota en Fagan gespeel het, sal Namibiërs graag wil sien hoe ver hul span kan vorder.
Die manspan speel vanoggend (09:40) volgende teen die gedugte België – agtste op die wêreldranglys teenoor Namibië se 16de posisie. Die Belgiërs is te danke aan groot oorwinnings teen Nieu-Seeland (7-2) en Kazakstan (7-1) tweede in groep A met ses punte, ewe veel as die voorloper Nederland en die derde geplaaste Oostenryk. Vierde volg Namibië (3 punte) en die puntelose Nieu-Seeland en Kazakstan.
Die Namibiese doele gister is deur deur Liam Hermanus (2), David Britz, Percy Barthram (2) en Brynn Cleak aangeteken.
Kaptein DJ Strauss is welverdiend as speler van die wedstryd aangewys ná verskeie uitmuntende stukkies keerwerk voor die doelkas.
VROUE VAL VAS
Afrigter Erwin Handura sou egter teleurgesteld wees in sy hoog gerekende Namibiese vrouespan se nederlaag met 1-2 teen Oekraïne.
Die Europeërs het hiermee wraak geneem vir hul nederlaag teen Namibië in 2018, toe Kiana Cormack as 16-jarige gesamentlik die voorste doelskieter in die wêreldtoernooi was (nege treffers in ses wedstryde).
Gister was Azaylee Philander se doel die enigste beloning vir die Afrika-titelhouers, wat in die vyfde posisie in groep B bly en nou onder druk is om die uitklopfase vir die topagt te haal.
“Dit was ’n baie gelykop stryd en die verskil was dat Oekraïne hul kanse voor die doelhok afgerond het,” het Handura agterna in ’n onderhoud gesê.
“Ons het een keer die regoppaal getref, maar ons fasette van strafhoeke af werk glad nie. Ons het meer geleenthede as hulle geskep. Dit is sover ons tekortkoming in die toernooi, dat ons nie ons doelkanse benut nie.
“Ons is steeds in die toernooi. Ons sal nou beide ons oorblywende wedstryde teen België en Tsjeggië moet wen om op sewe punte te eindig en te hoop dis genoeg.”
– [email protected]
Kommentaar
Republikein
Geen kommentaar is op hierdie artikel gelaat nie