Hook It oorheers drie dae by die dam
Hengel
Die wintertoestande by die dam was allesbehalwe maklik.
Namibië Oewerhengel het onlangs sy jaarlikse Prestige-kompetisie by die Nautedam naby Keetmanshoop gehou.
Dié gewilde kampioenskap bring jaarliks al die oewerhengelklubs se ses beste individue teen mekaar te staan. Benguella, Eagles, Hook It, Lynvin, Richtersveld en Steenbras het mekaar in ysige koue weersomstandighede oor drie dae gepak, met sterk wind wat die strawwe kompetisie verder bemoeilik het.
Hengel in die winter is altyd ’n uitdaging omrede die vis minder aktief is. Hengelaars het hul verskillende aas en moeties ingegooi om die vis te lok. Baie modder en klippe het ook nie juis tot die hengelaars se sukses bygedra nie.
Leon Diedericks se swaarste sak van die dag het teen 56.46 kilogram die swaarste geweeg, terwyl Nico Fourie se karp die skaal op 5.8 kg laat vassteek het. Pearson Botma se moddervis is ’n bielie van 1.7 kg, met Carol Stinton se kurper op 750 gram. Gerhard Cornelissen se baber (11.16 kg) was in in ’n klas van sy eie.
Kampioenklub: 1 Hook It-hengelklub 62 punte, 2 Lynvin-hengelklub 82, 3 Eagles-hengelklub 88 punte, 4 Richtersveld 135, 5 Benguella 167, 6 Steenbras 188.
Individuele kampioen: 1 Leon Diedericks (Hook It) 72 vis, 162.18 kg (sonepunte 3). 2 Willem Heunis (Hook It) 44 vis, 80.40 kg (sonepunte 6). 3 Niel Brink (Lynvin) 50 vis, 106.10 kg (sonepunte 7).
Namibië Oewerhengel sê: “Ons het die naweek afgesluit met groot opgewondenheid om sommer gou weer terug te gaan water toe. Hoewel die koue die omstandighede uitdagend was, is dit steeds ’n voorreg om langs die water te kan staan en te kan hengel.
“Hiermee bedank ons Lynvin-klub wat al die reëlings rondom die Prestige-toermooi hanteer het, sowel as ons borg Hollard vir die heerlike kos tydens die prysuitdeling.
“Baie dankie aan al die klubs wat ver gereis het om die toernooi moontlik te maak.
– [email protected]
Dié gewilde kampioenskap bring jaarliks al die oewerhengelklubs se ses beste individue teen mekaar te staan. Benguella, Eagles, Hook It, Lynvin, Richtersveld en Steenbras het mekaar in ysige koue weersomstandighede oor drie dae gepak, met sterk wind wat die strawwe kompetisie verder bemoeilik het.
Hengel in die winter is altyd ’n uitdaging omrede die vis minder aktief is. Hengelaars het hul verskillende aas en moeties ingegooi om die vis te lok. Baie modder en klippe het ook nie juis tot die hengelaars se sukses bygedra nie.
Leon Diedericks se swaarste sak van die dag het teen 56.46 kilogram die swaarste geweeg, terwyl Nico Fourie se karp die skaal op 5.8 kg laat vassteek het. Pearson Botma se moddervis is ’n bielie van 1.7 kg, met Carol Stinton se kurper op 750 gram. Gerhard Cornelissen se baber (11.16 kg) was in in ’n klas van sy eie.
Kampioenklub: 1 Hook It-hengelklub 62 punte, 2 Lynvin-hengelklub 82, 3 Eagles-hengelklub 88 punte, 4 Richtersveld 135, 5 Benguella 167, 6 Steenbras 188.
Individuele kampioen: 1 Leon Diedericks (Hook It) 72 vis, 162.18 kg (sonepunte 3). 2 Willem Heunis (Hook It) 44 vis, 80.40 kg (sonepunte 6). 3 Niel Brink (Lynvin) 50 vis, 106.10 kg (sonepunte 7).
Namibië Oewerhengel sê: “Ons het die naweek afgesluit met groot opgewondenheid om sommer gou weer terug te gaan water toe. Hoewel die koue die omstandighede uitdagend was, is dit steeds ’n voorreg om langs die water te kan staan en te kan hengel.
“Hiermee bedank ons Lynvin-klub wat al die reëlings rondom die Prestige-toermooi hanteer het, sowel as ons borg Hollard vir die heerlike kos tydens die prysuitdeling.
“Baie dankie aan al die klubs wat ver gereis het om die toernooi moontlik te maak.
– [email protected]
Kommentaar
Republikein
Geen kommentaar is op hierdie artikel gelaat nie