Jongmanne vandag in kwarteindstryd
Inlynhokkie
Tsjeggië was gisteraand gelukkig om met ’n oorwinning (4-3) teen Namibië se nasionale junior manspan in hul vierde en laaste groep A-wedstryd in Buenos Aires, Argentinië, by die wêreldkampioenskap in inlynskaatshokkie te ontsnap.
Die rustydtelling (2-2) spreek van twee uitstekende gebalanseerde spanne wat ’n hewige stryd gevoer het om mekaar te uitoorlê. Vaclav Kominek het binne 11 sekondes toegeslaan vir Tsjeggië om 1-0 voor te loop. James de Jager het minder as ’n minuut later (1 minuut 05 sekondes) geantwoord om die telling te ewenaar.
Kominek het weereens sy vernuf bewys (10:43) toe hy met ’n solo-doel (2-1) toegeslaan het, maar Mickah Januarie het sy span nuwe hoop gegee toe hy die skyf weggebêre het (15:24) voordat rustyd planne gaan beraam is.
De Jager het Namibië se telling eerste in die tweede helfte (06:04) laat aanskuif om vir die eerste keer in die wedstryd met 3-2 voor te loop. Hul voorsprong het vyf minute geduur, voordat Adam Abazaj (11:06) Tsjeggië tot drie-elk terug in die prentjie geplaas het.
Met 19:26 verby op die stophorlosie, het Namibië vir ’n dinkskrum gevra, maar kon nie verhinder dat Jakub Kuchar in die laaste sekondes (19:36) deurgeglip het om ’n oorwinning te verseker nie.
Namibië pak Italië vandag (Donderdag, om 17:00 Namibiese tyd) in die eerste kwarteindstryd by die Parque Olímpico-arena, terwyl Chinese Taipei en Korea se kwarteindstryd om 18:00 sal begin.
In die derde kwarteindstryd ontmoet Tsjeggië vir Colombië (19:00), terwyl Frankryk en die VSA om 20:00 uitspeel vir ’n plek in die semifinaal.
Namibië het met ses ligapunte derde in groep A geëindig (gespeel 4, wen 2, doelverskil 14). Frankryk met 12 (wen 4, doelverskil 27) is eerste gevolg deur Tsjeggië met 9 (wen 3, doelverskil 5).
Korea met drie punte (een gewen, doelverskil -32) en Argentinië (0 punte, doelverskil -14) het onderskeidelik vierde en vyfde geëindig.
Groep B eindig so:
1 Chinese Taipei (11 punte, wen 3, doelverskil 12)
2 Italië (8, wen 2, doelverskil 1)
3 Colombia (4, wen 1, doelverskil -4)
4 VSA (4, wen 1, doelverskil - 1)
5 Brasilië (3, wen 1, doelverskil -8).
DIE KWARTEINDSTRYDE (Groep A tn Groep B)
(1) Frankryk tn (4) VSA
(2) Tsjeggië tn (3) Colombië
(3) Namibië tn (2) Italië
(4) Korea tn (1) Chinese Taipei
Die rustydtelling (2-2) spreek van twee uitstekende gebalanseerde spanne wat ’n hewige stryd gevoer het om mekaar te uitoorlê. Vaclav Kominek het binne 11 sekondes toegeslaan vir Tsjeggië om 1-0 voor te loop. James de Jager het minder as ’n minuut later (1 minuut 05 sekondes) geantwoord om die telling te ewenaar.
Kominek het weereens sy vernuf bewys (10:43) toe hy met ’n solo-doel (2-1) toegeslaan het, maar Mickah Januarie het sy span nuwe hoop gegee toe hy die skyf weggebêre het (15:24) voordat rustyd planne gaan beraam is.
De Jager het Namibië se telling eerste in die tweede helfte (06:04) laat aanskuif om vir die eerste keer in die wedstryd met 3-2 voor te loop. Hul voorsprong het vyf minute geduur, voordat Adam Abazaj (11:06) Tsjeggië tot drie-elk terug in die prentjie geplaas het.
Met 19:26 verby op die stophorlosie, het Namibië vir ’n dinkskrum gevra, maar kon nie verhinder dat Jakub Kuchar in die laaste sekondes (19:36) deurgeglip het om ’n oorwinning te verseker nie.
Namibië pak Italië vandag (Donderdag, om 17:00 Namibiese tyd) in die eerste kwarteindstryd by die Parque Olímpico-arena, terwyl Chinese Taipei en Korea se kwarteindstryd om 18:00 sal begin.
In die derde kwarteindstryd ontmoet Tsjeggië vir Colombië (19:00), terwyl Frankryk en die VSA om 20:00 uitspeel vir ’n plek in die semifinaal.
Namibië het met ses ligapunte derde in groep A geëindig (gespeel 4, wen 2, doelverskil 14). Frankryk met 12 (wen 4, doelverskil 27) is eerste gevolg deur Tsjeggië met 9 (wen 3, doelverskil 5).
Korea met drie punte (een gewen, doelverskil -32) en Argentinië (0 punte, doelverskil -14) het onderskeidelik vierde en vyfde geëindig.
Groep B eindig so:
1 Chinese Taipei (11 punte, wen 3, doelverskil 12)
2 Italië (8, wen 2, doelverskil 1)
3 Colombia (4, wen 1, doelverskil -4)
4 VSA (4, wen 1, doelverskil - 1)
5 Brasilië (3, wen 1, doelverskil -8).
DIE KWARTEINDSTRYDE (Groep A tn Groep B)
(1) Frankryk tn (4) VSA
(2) Tsjeggië tn (3) Colombië
(3) Namibië tn (2) Italië
(4) Korea tn (1) Chinese Taipei
Kommentaar
Republikein
Geen kommentaar is op hierdie artikel gelaat nie