Medalje-oes spreek boekdele vir Stoeifederasie

Die Namibiese Stoeivereniging se amateurspan het Saterdag uitstekende resultate by die Suid-Afrikaanse Kusstreekkampioenskap in Rawsonville gelewer.Die Namibiërs in die vrystyl het vyf goue medaljes, twee silwer en sewe bronsmedaljes teen stoeiers van die Boland, Oos-Kaap en Westelike Provinsie verower. Boonop is drie vierde plekke behaal.Dit is geen geringe prestasie nie, want Namibië eindig algeheel tweede in die kampioenskap. Die Namibiërs het slegs een goue medalje gekort om die kompetisie algeheel te wen.Die stoeiers is van drie stoeiklubs versamel, naamlik Roots Gimnasium by Stampriet, After School-stoeiklub in Katutura asook die Windhoek-stoeiklub. Die voorste uitslae:Goud: Pieter Uys (80 tot 95 kilogram), Cliff Nguatjiti (50-55 kg), Lazarus Haimbodi (55-60 kg), Teo Seveleni (46-50 kg) en Charlo Dreyer (42-46 kg).Silwer: Harold Erasmus (15-24 kg) en Paulus Alweendo (42-46 kg).Brons: Berndt Kriessbach (72-80 kg), Granville Swartz (27-30 kg), Caleb Grimbeeck (15-24 kg), Friedrich Simon (36-39 kg), Charl van der Merwe (24-27 kg), Henrico Durand (39-42 kg) en Dian Kotze (30-33 kg).Vierde: Lukas Salom (55-60 kg), Emil Gresse (33-36 kg) en Dian Delport (60-66 kg). Die span was deur Charl van der Merwe, Luis Paz en Sem Shilimela (afrigters), Stephan le Roux (spanbestuurder) en Lafras Uys (tegnies) vergesel. – tielman@republikein.com.na

Medalje-oes spreek boekdele vir Stoeifederasie

Kommentaar

Republikein 2025-04-07

Meld asseblief aan om kommentaar te lewer

Medalje-oes spreek boekdele vir Stoeifederasie

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie