Namibiërs deel in Comrades-belewenis
Padwedlope
Sowat 17 000 atlete sal na verwagting om 05:30 voor die stadsaal in Pietermaritzburg wegspring in die strewe om die spertyd van 12 ure vir 'n voltooiersmedalje te klop.
Die verwagte groep van 42 Namibiese hardlopers sal Sondagoggend by die wegspringstreep wees vir die Comrades-ultramarathon oor 87.7 kilometer vanaf Pietermaritzburg na Durban se Kingsmead-krieketstadion.
Die groep sluit verskeie nuwelinge in, terwyl ander vanweë beserings tuis bly en nie die droomuitdaging sal takel nie. Die Namibiese groep bestaan uit 24 mans en 18 vroue.
Risa Dreyer, wat vanjaar tweede by die Rössing Namibiese marathonkampioenskap ná Alina Armas was, maak ook haar terugkeer nadat sy in 2016, 2017 en 2018 die eerste Namibiër by die Comrades-eindstreep was (laasgenoemde in die algehele 37ste vroueposisie, in sewe ure 48 minute 56 sekondes).
Dreyer (nou Burger) sê sy het die laaste ses weke nie geoefen nie weens ’n stresfraktuur en hoewel sy vir seker sal wegspring, sal sy met die verloop van die wedloop beoordeel of sy gaan klaarmaak.
“In 2020 se virtuele Comrades het ek net-net die tyd vir die silwermedalje gehaal met 7 ure 29 minute. Dit sou vanjaar weer die droom gewees het, maar met die besering is die kanse seker skraal,” sê die Windhoek Harriers-lid.
Swakop Striders se veteraan André Ross, wat reeds twaalf vorige Comrades-marathonne sedert 1990 agter die blad het, was verlede jaar as 50-jarige eerste van sy landgenote oor die eindstreep, in 8:01:57, gevolg deur Frans Amakali (Windhoek City Runners) in 8:49:04.
Windhoek Harriers se merkwaardige Joachim (Achim) Herma tree vir sy 18de Comrades aan (mans 60 ). In dieselfde ouderdomsklas is die ewe onstuitbare Joe Absai (Welwitschia-77), wat sedert 1993 reeds twintig voltooi het, met 19 bronsmedaljes (minder as 11 ure).
Johan Bronkhorst (Swakop Striders, 50 ) het ses voltooi, met sy vinnigste in 2016 (8:27:10).
Die groep sluit verskeie nuwelinge in, terwyl ander vanweë beserings tuis bly en nie die droomuitdaging sal takel nie. Die Namibiese groep bestaan uit 24 mans en 18 vroue.
Risa Dreyer, wat vanjaar tweede by die Rössing Namibiese marathonkampioenskap ná Alina Armas was, maak ook haar terugkeer nadat sy in 2016, 2017 en 2018 die eerste Namibiër by die Comrades-eindstreep was (laasgenoemde in die algehele 37ste vroueposisie, in sewe ure 48 minute 56 sekondes).
Dreyer (nou Burger) sê sy het die laaste ses weke nie geoefen nie weens ’n stresfraktuur en hoewel sy vir seker sal wegspring, sal sy met die verloop van die wedloop beoordeel of sy gaan klaarmaak.
“In 2020 se virtuele Comrades het ek net-net die tyd vir die silwermedalje gehaal met 7 ure 29 minute. Dit sou vanjaar weer die droom gewees het, maar met die besering is die kanse seker skraal,” sê die Windhoek Harriers-lid.
Swakop Striders se veteraan André Ross, wat reeds twaalf vorige Comrades-marathonne sedert 1990 agter die blad het, was verlede jaar as 50-jarige eerste van sy landgenote oor die eindstreep, in 8:01:57, gevolg deur Frans Amakali (Windhoek City Runners) in 8:49:04.
Windhoek Harriers se merkwaardige Joachim (Achim) Herma tree vir sy 18de Comrades aan (mans 60 ). In dieselfde ouderdomsklas is die ewe onstuitbare Joe Absai (Welwitschia-77), wat sedert 1993 reeds twintig voltooi het, met 19 bronsmedaljes (minder as 11 ure).
Johan Bronkhorst (Swakop Striders, 50 ) het ses voltooi, met sy vinnigste in 2016 (8:27:10).
Kommentaar
Republikein
Geen kommentaar is op hierdie artikel gelaat nie