NBL staan agter WB-aanslag
Rugby
Die Namibië Rugby Unie (NRU) het die gemoedsrus van sy jarelange hoofborg ontvang voor Rugby Afrika se vinnig naderende Wêreldbeker 2023 kwalifiseringstoernooi vir mans.
Die Namibië Brouerye (NBL) het gister op ’n nuuskonferensie bevestig dat hy tot einde volgende jaar sy finansiële steun aan die nasionale mansrugbyspan sal bied.
Die NBL se betrokkenheid sal begin met die plaaslike span wat gekies is om komende Saterdag in Windhoek teen die besoekende Blou Bulle te speel, wat as die Windhoek Draught Welwitschias bekend sal staan.
Dié vriendskaplike ontmoeting sal dien om vir die nasionale afrigtingspan, onder leiding van Allister Coetzee, die plaaslik gebaseerde spelers uit te wys wat waardig is om oorweeg te word saam met die land se voorste buitelandse beroepspelers wat in Frankryk, Engeland, die VSA en elders speel.
John Heynes, uitvoerende hoof van die NRU, het gesê die nasionale oefengroep sal gekies word vir ’n oefenkamp van drie weke op Stellenbosch, wat vriendskaplike wedstryde teen die Westelike Provinsie, die Universiteit van Stellenbosch en Italië-A sal insluit.
Van 1 tot 10 Julie sal Namibië een van agt Afrika-lande wees wat in Frankryk se Marseille-omgewing sal uitspeel om Rugby Afrika se regstreekse kwalifisering vir volgende jaar se Wêreldbeker-toernooi, wat ook in Frankryk aangebied sal word.
Namibië, steeds die hoogste gekeur van die kontinentale aanspraakmakers, sal op die eerste dag teen Burkina Faso te staan kom, voor die halfeindstryd vier dae later teen die wenner tussen Zimbabwe en die Ivoorkus.
Sou hulle na die eindstryd op 10 Julie deurdring, sal Kenia hulle waarskynlik inwag. Die kampioenspan sal sy plek in volgende jaar se Wêreldbeker groep A bespreek saam met die gasheer Frankryk (tans tweede in die wêreld), Nieu-Seeland (derde), Italië (14de) en Uruguay (19de). Die Afrika-naaswenner sal nog ’n geleentheid kry om in ’n finale uitduntoernooi teen die naaswenners van die Amerikas, Europa en Oseanië te kwalifiseer.
Die Namibië Brouerye se waarnemende globale bemarkingsbestuurder Claudia Opperman en borgskapbestuurder Danie Keulder het nie ’n beraamde geldwaarde aan die borgskap verskaf nie, behalwe om te sê die bedrag “sal in lyn wees met ons ander borgskappe op nasionale vlak”.
Opperman het gesê: “NBL het onder die Windhoek Draught-handelsmerk ’n jarelange verhouding met Namibiese rugby opgebou en ons wil ons daartoe verbind om hierdie verhouding vir die komende jaar voort te sit. Ons wil die oefenkamp moontlik maak, asook die kwalifiserende toernooi en natuurlik die voorbereiding vir die 2023 Wêreldbeker.”
Die NRU se visepresident vir bestuursake, Christie Windvogel, het gesê die beheerliggaam is baie geëerd en waardeer die NBL se vrygewigheid. “Dis borge soos julle wat ons toelaat om ons missie na te streef.”
Die Namibië Brouerye (NBL) het gister op ’n nuuskonferensie bevestig dat hy tot einde volgende jaar sy finansiële steun aan die nasionale mansrugbyspan sal bied.
Die NBL se betrokkenheid sal begin met die plaaslike span wat gekies is om komende Saterdag in Windhoek teen die besoekende Blou Bulle te speel, wat as die Windhoek Draught Welwitschias bekend sal staan.
Dié vriendskaplike ontmoeting sal dien om vir die nasionale afrigtingspan, onder leiding van Allister Coetzee, die plaaslik gebaseerde spelers uit te wys wat waardig is om oorweeg te word saam met die land se voorste buitelandse beroepspelers wat in Frankryk, Engeland, die VSA en elders speel.
John Heynes, uitvoerende hoof van die NRU, het gesê die nasionale oefengroep sal gekies word vir ’n oefenkamp van drie weke op Stellenbosch, wat vriendskaplike wedstryde teen die Westelike Provinsie, die Universiteit van Stellenbosch en Italië-A sal insluit.
Van 1 tot 10 Julie sal Namibië een van agt Afrika-lande wees wat in Frankryk se Marseille-omgewing sal uitspeel om Rugby Afrika se regstreekse kwalifisering vir volgende jaar se Wêreldbeker-toernooi, wat ook in Frankryk aangebied sal word.
Namibië, steeds die hoogste gekeur van die kontinentale aanspraakmakers, sal op die eerste dag teen Burkina Faso te staan kom, voor die halfeindstryd vier dae later teen die wenner tussen Zimbabwe en die Ivoorkus.
Sou hulle na die eindstryd op 10 Julie deurdring, sal Kenia hulle waarskynlik inwag. Die kampioenspan sal sy plek in volgende jaar se Wêreldbeker groep A bespreek saam met die gasheer Frankryk (tans tweede in die wêreld), Nieu-Seeland (derde), Italië (14de) en Uruguay (19de). Die Afrika-naaswenner sal nog ’n geleentheid kry om in ’n finale uitduntoernooi teen die naaswenners van die Amerikas, Europa en Oseanië te kwalifiseer.
Die Namibië Brouerye se waarnemende globale bemarkingsbestuurder Claudia Opperman en borgskapbestuurder Danie Keulder het nie ’n beraamde geldwaarde aan die borgskap verskaf nie, behalwe om te sê die bedrag “sal in lyn wees met ons ander borgskappe op nasionale vlak”.
Opperman het gesê: “NBL het onder die Windhoek Draught-handelsmerk ’n jarelange verhouding met Namibiese rugby opgebou en ons wil ons daartoe verbind om hierdie verhouding vir die komende jaar voort te sit. Ons wil die oefenkamp moontlik maak, asook die kwalifiserende toernooi en natuurlik die voorbereiding vir die 2023 Wêreldbeker.”
Die NRU se visepresident vir bestuursake, Christie Windvogel, het gesê die beheerliggaam is baie geëerd en waardeer die NBL se vrygewigheid. “Dis borge soos julle wat ons toelaat om ons missie na te streef.”
Kommentaar
Republikein
Geen kommentaar is op hierdie artikel gelaat nie