Old Boys wen maklik voor eindstryd
Klubkrieket
Die land se twee toonaangewende krieketklubs het tot die 50-beurtfinaal deurgedring.
Met die laaste ligawedstryd as formaliteit afgehandel, is die twee finaliste vir Krieket Namibië se premierliga in die eendagformaat (50 boulbeurte) bevestig.
Die land se toonaangewende klubs Imperial APS Samsung Wanderers (boaan die puntelys) en AMH Motors WHS Old Boys sal sake in die eindstryd komende Saterdag by die Wanderers-veld die stryd aansê.
’n Mens kan verwag dat beide klubs sal oorweeg om op die nommer te druk van hul nasionale spanlede wat dié week na die land terugkeer ná ’n moeilike toer van bykans drie weke na Nepal en die Verenigde Arabiese Emirate.
Old Boys het Gerhard Erasmus (die nasionale kaptein), paaltjiewagter Zane Green, die linkerarm-snelboulers Ruben Trumpelmann en Tangeni Lungameni asook die veelsydige Shaun Fouché as verteenwoordigers op die Eagles-toer gehad.
Vir Wanderers kan Bernard Scholtz, Karl Birkenstock en Lo-han Louwrens terug in die prentjie kom, terwyl Jan Frylinck steeds op die krukkelys is.
Die ander oorweging sal uiteraard wees om geloof te behou in die spelers wat die klub tot in die finaal help bring het.
TWEE VYFTIGTALLE
WHS Old Boys het Sondag die uitgedunde CCD Tigers op laasgenoemde se veld met 139 lopies oorskadu.
Old Boys se kaptein Malan Kruger het die loot gewen en gekies om eerste te kolf. Hoewel hyself (8) en sy aanvangsvennoot Gerhard van Rensburg (7) asook nommer drie JW Visagie (1) uit is met die totaal op net 22, het WHS nietemin sy 50 boulbeurte op ’n stewiger 226/8 afgesluit.
Die herstel was te danke aan vyftigtalle deur Donovan Zealand (75 van 82 balle, vier viere, drie sesse) en Henry van Wyk (61 van 78 balle, 4x4 1x6), asook kleiner bydrae van Zacheo van Vuuren (16) en Francois du Plessis (15).
CCD se voorste boulers was Mauritius Ngupita met ’n uitstekende 2/15 in 10 boulbeurte, Tawanda Sithole met 3/39 in 10 en Albert Mbwembwe met 2/34 in 9.
Sonder CCD se vier nasionale toerlede Nicol Loftie-Eaton, Joshuan Julius, Pikky ya France en Ben Shikongo, en met die ervare staatmaker Stephen Baard ook afwesig, het die Tigers egter te min skietgoed beskikbaar gehad.
CCD is tot net 87/9 in 32.3 boulbeurte beperk, met Quincy Beukes (21 van 64 balle) en Ngupita (28 van 45 balle) wat hard probeer walgooi het.
Die oorhand het egter aan Malan Kruger (2/7 in 5 bb), Francois du Plessis (2/23 in 7), Malan Morkel (2/14 in 3) en hul boulmaats behoort.
Die uitslag het ook geen invloed op die puntelys gehad nie, waar CCD (14 punte) nie meer vir Wanderers of WHS Old Boys (beide op 28 punte, sewe uit agt gewen) kon inhaal nie. Trustco United eindig vierde voor die MR24/7 Welwitschia (4 punte elk).
– [email protected]
Die land se toonaangewende klubs Imperial APS Samsung Wanderers (boaan die puntelys) en AMH Motors WHS Old Boys sal sake in die eindstryd komende Saterdag by die Wanderers-veld die stryd aansê.
’n Mens kan verwag dat beide klubs sal oorweeg om op die nommer te druk van hul nasionale spanlede wat dié week na die land terugkeer ná ’n moeilike toer van bykans drie weke na Nepal en die Verenigde Arabiese Emirate.
Old Boys het Gerhard Erasmus (die nasionale kaptein), paaltjiewagter Zane Green, die linkerarm-snelboulers Ruben Trumpelmann en Tangeni Lungameni asook die veelsydige Shaun Fouché as verteenwoordigers op die Eagles-toer gehad.
Vir Wanderers kan Bernard Scholtz, Karl Birkenstock en Lo-han Louwrens terug in die prentjie kom, terwyl Jan Frylinck steeds op die krukkelys is.
Die ander oorweging sal uiteraard wees om geloof te behou in die spelers wat die klub tot in die finaal help bring het.
TWEE VYFTIGTALLE
WHS Old Boys het Sondag die uitgedunde CCD Tigers op laasgenoemde se veld met 139 lopies oorskadu.
Old Boys se kaptein Malan Kruger het die loot gewen en gekies om eerste te kolf. Hoewel hyself (8) en sy aanvangsvennoot Gerhard van Rensburg (7) asook nommer drie JW Visagie (1) uit is met die totaal op net 22, het WHS nietemin sy 50 boulbeurte op ’n stewiger 226/8 afgesluit.
Die herstel was te danke aan vyftigtalle deur Donovan Zealand (75 van 82 balle, vier viere, drie sesse) en Henry van Wyk (61 van 78 balle, 4x4 1x6), asook kleiner bydrae van Zacheo van Vuuren (16) en Francois du Plessis (15).
CCD se voorste boulers was Mauritius Ngupita met ’n uitstekende 2/15 in 10 boulbeurte, Tawanda Sithole met 3/39 in 10 en Albert Mbwembwe met 2/34 in 9.
Sonder CCD se vier nasionale toerlede Nicol Loftie-Eaton, Joshuan Julius, Pikky ya France en Ben Shikongo, en met die ervare staatmaker Stephen Baard ook afwesig, het die Tigers egter te min skietgoed beskikbaar gehad.
CCD is tot net 87/9 in 32.3 boulbeurte beperk, met Quincy Beukes (21 van 64 balle) en Ngupita (28 van 45 balle) wat hard probeer walgooi het.
Die oorhand het egter aan Malan Kruger (2/7 in 5 bb), Francois du Plessis (2/23 in 7), Malan Morkel (2/14 in 3) en hul boulmaats behoort.
Die uitslag het ook geen invloed op die puntelys gehad nie, waar CCD (14 punte) nie meer vir Wanderers of WHS Old Boys (beide op 28 punte, sewe uit agt gewen) kon inhaal nie. Trustco United eindig vierde voor die MR24/7 Welwitschia (4 punte elk).
– [email protected]
Kommentaar
Republikein
Geen kommentaar is op hierdie artikel gelaat nie