Omaruru-kinders speel krieket

’n Gesamentlike afrigtingskliniek vir die Omaruru Krieketakademie se deelnemende kinders van die dorp en die woonbuurt Ozondja word komende Saterdag vanaf 08:00 tot 12:00 aangebied.Die opbrengs van die minimale toegangsfooi (N$20 per persoon) is vir die bevordering van krieketontwikkeling op Omaruru bestem. Toegang vir die deelnemende kinders is gratis.Koeldrank en hot dogs sal vir besoekers te koop wees. ’n Vinnige vertoonwedstryd met sowat 12 boulbeurte per span sal ook deel van die krieketdag wees, om vir die beginners te wys hoe die spel werk.Gedurende die laaste 30 minute sal besoekers die geleentheid kry om hul toegangsgeld terug te kry, deur bewys van betaling te toon en met ’n enkele poging te slaag om die krieketpenne met ’n krieketbal raak te gooi, soortgelyk aan spelers se ervaring gedurende ’n wedstrydsituasie.Malcolm Anderson, die hooforganiseerder, sê as afrigter met ’n vlak 2-kwalifikasie het hy die afgelope maande reeds met tot 70 spelertjies van verskeie ouderdomme gewerk.Die oprigting van ’n behoorlike krieketveld, wat met die aankoop van toerusting gepaard gaan, is die volgende doelwit vir die krieketakademie, in die hoop om in die toekoms toernooie daar te kan aanbied wat ook die dorp se ekonomie ’n hupstoot kan gee. In dié opsig is voelers reeds na Krieket Namibië vir bystand uitgesteek, sê Anderson.“Ná die naweek sal ons meer gereelde wedstryde speel; dié is maar net die begin,” sê hy.

Omaruru-kinders speel krieket

Kommentaar

Republikein 2025-04-18

Meld asseblief aan om kommentaar te lewer

Omaruru-kinders speel krieket

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie