Paralimpiese atlete kom vandag huis toe

Namibië se Paralimpiese atlete sal na verwagting vandag om 20:30 by die Internasionale Lughawe Hosea Kutako land. Die minister van sport, jeug en nasionale diens het gister in ’n verklaring gesê adjunkminister Emma Kantema-Gaomas sal die atlete verwelkom. Môre word ’n parade deur Windhoek se strate ter ere van die atlete beplan wat tussen 10:00 en 13:00 vanaf die Snyman-sirkel na die Soweto-mark sal beweeg. Onder die span se prestasies is Lahja Ishitile se goue medalje in die 400 m T11 en die bronsmedalje wat sy en haar gids, Sem Shimanda, in die 200 m T11-wedloop gewen het. Foto Facebook/Lahja Ishitile PLY