Renton sink bal met een dryfhou

Dmitri Renton se volmaakte gelukhou op putjie 7 was ’n hoogtepunt van ’n koue, winderige Saterdag op die Omeya-gholfbaan. Die spelers het meegeding in ’n “scramble drive” betterbal-kompetisie geborg deur Atlantic Villa in Swakopmund. Die topdrie pare was 1 Andy Haasbroek & Len Haasbroek (47 punte); 2 Johan Steyn & Gareth Howard (44); 3 Jaco van Reenen & Eugene Lofty -Eaton (43 punte, uittel). Pryse vir die houe naaste aan die pen is deur Andy Haasbroek (putjie 4) en Stefan Venter (putjie 17) gewen. Van links staan Len Haasbroek, Andy Haasbroek, Jaco van Reenen, Dmitri Renton, Eugene Lofty-Eaton, Johan Steyn, Gareth Howard en Stefan Venter. Foto verskaf