RSA-spelers oorheers sake
Tennis
Die Internasionale Tennisfederasie (ITF) en die Konfederasie van Afrika-tennis (CAT) se Suider-Afrikaanse junior individuele kampioenskap is pas in Windhoek afgehandel met deelname van meer as tien Afrika-lande se onder-14- en o.16-seuns en -meisies.
Suid-Afrika se spelers het soos gebruiklik sake oorheers.
Die toernooi is by die Sentraal-tennisklub in Olympia gehou in samewerking met die Namibië Tennisvereniging (NTA), met Paratus Namibia as die hoofborg.
ONDER-16 WENNERS
In die o.16- meisieskategorie het Suid-Afrika se Alegra van der Walt die algehele titel gewen toe sy haar landgenoot Morgan Jordaan in die finaal met 6-2, 6-2 geklop het.
Van der Walt wat haar eerste titel verower het, het gesê: “Ek het die toernooi baie geniet. Ek het my alles gegee.”
By die o.16-seuns het Suid-Afrika se John Bothman sy landgenoot Connor Doig met 6-3, 7-6 geklop. Bothman het gesê: “Die standaard van die toernooi was baie hoog. Ek is baie tevrede met hoe die toernooi verloop het.”
ONDER-14 WENNERS
Die o.14-meisieskampioen was Zimbabwe se Kuzivaishe Chapepa wat met 6-2, 6-2 die oorhand oor Suid-Afrika se Jordan Edwards gekry het.
In die o.14-seunskategorie het Suid-Afrika se Jamie Roux die titel ingepalm toe hy die finaal teen Botswana se Martin Seetso met 6-4, 6-3 gewen het.
DIE GROTER PRENTJIE
Die toernooidirekteur, Johan Theron van Namibië, sê dieselfde spanne ding tot Sondag in die spankompetisie mee.
Tapiwa Masunga, ITF se ontwikkelingsbeampte, sê die toernooi dien as die streekkampioenskap vir Suider-Afrika, ter kwalifisering vir die junior Afrika-kampioenskap wat van April tot Junie gehou word. Laasgenoemde toernooi dien as die geleentheid om vir die wêreldkampioenskap te kwalifiseer.
Suid-Afrika se spelers het soos gebruiklik sake oorheers.
Die toernooi is by die Sentraal-tennisklub in Olympia gehou in samewerking met die Namibië Tennisvereniging (NTA), met Paratus Namibia as die hoofborg.
ONDER-16 WENNERS
In die o.16- meisieskategorie het Suid-Afrika se Alegra van der Walt die algehele titel gewen toe sy haar landgenoot Morgan Jordaan in die finaal met 6-2, 6-2 geklop het.
Van der Walt wat haar eerste titel verower het, het gesê: “Ek het die toernooi baie geniet. Ek het my alles gegee.”
By die o.16-seuns het Suid-Afrika se John Bothman sy landgenoot Connor Doig met 6-3, 7-6 geklop. Bothman het gesê: “Die standaard van die toernooi was baie hoog. Ek is baie tevrede met hoe die toernooi verloop het.”
ONDER-14 WENNERS
Die o.14-meisieskampioen was Zimbabwe se Kuzivaishe Chapepa wat met 6-2, 6-2 die oorhand oor Suid-Afrika se Jordan Edwards gekry het.
In die o.14-seunskategorie het Suid-Afrika se Jamie Roux die titel ingepalm toe hy die finaal teen Botswana se Martin Seetso met 6-4, 6-3 gewen het.
DIE GROTER PRENTJIE
Die toernooidirekteur, Johan Theron van Namibië, sê dieselfde spanne ding tot Sondag in die spankompetisie mee.
Tapiwa Masunga, ITF se ontwikkelingsbeampte, sê die toernooi dien as die streekkampioenskap vir Suider-Afrika, ter kwalifisering vir die junior Afrika-kampioenskap wat van April tot Junie gehou word. Laasgenoemde toernooi dien as die geleentheid om vir die wêreldkampioenskap te kwalifiseer.
Kommentaar
Republikein
Geen kommentaar is op hierdie artikel gelaat nie