Shalulile die voorloper vir unieke rekord

Slegs ’n handjievol spelers het sedert die ontstaan van Suid-Afrika e Nasionale Sokkerliga in 1985 meer as een goue stewel-toekenning gewen, en niemand kon nog ’n driekuns as voorste doelskieter behaal nie.Namibië se nasionale kaptein Peter Shalulile staan op die randjie om dié prestasie in die huidige seisoen te beklink – ondanks die aanvanklike teistering van beserings wat hom vir ’n beduidende tyd langs die kantlyn gehou het.Hy het sover elf doele vir die heersende kampioenklub Mamelodi Sundowns – een meer as SuperSport United se Bradley Grobler, wat sal hoop om hom in die oorblywende wedstryde te jaag.Shalulile was boaan die puntelys saam met Orlando Pirates se Gabadinho Mhango in 2019-’20, toe hulle elkeen 16 doele aangeteken het en die goue stewel gedeel het.Hierna het die Namibiese skerpskutter verlede seisoen 23 doele vir Sundowns aangeteken as die wegholwenner van die prys in ’n droomseisoen waarin hy 30 doele in alle kompetisies behaal het.Tussen daardie twee seisoene was sy 15 treffers een minder as Grobler (16), wat sy enigste goue stewel-toekenning in 2021-’22 behaal het.Sou Shalulile hierdie keer boaan die lys eindig, sal hy die eerste NSL-doelskieter word wat die toekenning drie keer wen.VOORGANGERSNoel Cousins was in 1987 die voorste doelskieter by Arcadia Shepherds (25 doele) en toe weer twee jaar later, hoewel hy in die middel van die seisoen in 1989 (21) na Moroka Swallows oorgeskuif het.Daniel Mudau het die trofee in 1993 ingepalm met 23 doele vir Sundowns, en dit toe weer in 1998-’99 met 24 treffers gewen. Op ’n manier is dit ’n verrassing dat dié uitmuntende speler nie meer kere die goue stewel gewen het nie.Die Zimbabwiër Wilfred Mugeyi was boaan die puntelys met 19 doele vir Umtata Bush Bucks in 1994, en het toe met 22 in 1996-’97 geëindig om die prestasie te herhaal.Nogal merkwaardig was daar 11 jaar tussen die twee Goue Boot-oorwinnings vir Collins Mbesuma.In 2004-’05 het hy 25 ligadoele – steeds die seisoenrekord vir 30 wedstryde – vir Kaizer Chiefs aangeteken. Vele seisoene, en klubs, later was sy 14 doele vir Mpumalanga Black Aces in 2015-’16 genoeg vir nóg ’n goue stewel-prys.Grobler sal hoop om by die lys van veelvuldige wenners in 2022-’23 aan te sluit, aangesien SuperSport United volgende seisoen CAF Kampioeneliga-sokker najaag, terwyl Shalulile ’n unieke driekuns op die hart het.Die Namibiër kan moontlik vandag tot sy totaal byvoeg wanneer Sundowns ’n wegwedstryd teen Golden Arrows speel (afskoptyd 19:30) in KwaMashu (Durban).

Shalulile die voorloper vir unieke rekord

Kommentaar

Republikein 2025-03-03

Meld asseblief aan om kommentaar te lewer

Shalulile die voorloper vir unieke rekord

Kommentaar

Republikein 2025-03-03

Meld asseblief aan om kommentaar te lewer

MELD AAN

Advertensie