Twee nuwe afrigters vir Proteas
Krieket
Shukri Conrad en Rob Walter sal voortaan die Proteas se leisels in onderskeidelik toets- en witbalkrieket neem.
Krieket Suid-Afrika (KSA) het gisteroggend dié aanstellings amptelik aangekondig.
Albei sal op 1 Februarie by hul nuwe rolle inval.
Malibongwe Maketa het in Suid-Afrika se onlangse toetsreeks in Australië as hoofafrigter waargeneem, maar sy aansoek om die pos heeltyds te beklee, was nie suksesvol nie.
Die Proteas se hoofafrigterspos het vakant geraak nadat Mark Boucher verlede jaar sy bedanking ingedien het ná die reeks in Engeland. Hy het as hoofafrigter aangebly tot ná die T20-Wêreldbeker-toernooi in Australië.
KSA het daarna besluit om die pos in twee te verdeel, met een afrigter wat net op toetskrieket fokus en die ander op eendag- en T20-wedstryde.
Conrad het voorheen die Cobras en Lions afgerig en het die SA o.19-span verlede jaar gebrei.
Walter was op sy beurt lank die Proteas se kondisioneringsafrigter voordat hy sukses as hoofafrigter van die Titans behaal het.
Hy het daarna ook waardevolle ervaring in Nieu-Seeland opgedoen, waar hy ’n paar provinsiale spanne afgerig het.
– Netwerk24
Krieket Suid-Afrika (KSA) het gisteroggend dié aanstellings amptelik aangekondig.
Albei sal op 1 Februarie by hul nuwe rolle inval.
Malibongwe Maketa het in Suid-Afrika se onlangse toetsreeks in Australië as hoofafrigter waargeneem, maar sy aansoek om die pos heeltyds te beklee, was nie suksesvol nie.
Die Proteas se hoofafrigterspos het vakant geraak nadat Mark Boucher verlede jaar sy bedanking ingedien het ná die reeks in Engeland. Hy het as hoofafrigter aangebly tot ná die T20-Wêreldbeker-toernooi in Australië.
KSA het daarna besluit om die pos in twee te verdeel, met een afrigter wat net op toetskrieket fokus en die ander op eendag- en T20-wedstryde.
Conrad het voorheen die Cobras en Lions afgerig en het die SA o.19-span verlede jaar gebrei.
Walter was op sy beurt lank die Proteas se kondisioneringsafrigter voordat hy sukses as hoofafrigter van die Titans behaal het.
Hy het daarna ook waardevolle ervaring in Nieu-Seeland opgedoen, waar hy ’n paar provinsiale spanne afgerig het.
– Netwerk24
Kommentaar
Republikein
Geen kommentaar is op hierdie artikel gelaat nie