Unam kry terugslag; Suburbs op volspoed
Klubrugby
Trustco United het Saterdag vergeefs probeer keer terwyl FNB Western Suburbs 'n vyftigtal opgestapel het.
Tielman van Lill
FNB Western Suburbs 1 het Saterdag agt drieë teen Trustco United 1 in Olympia aangeteken om hul vyfde oorwinning van die 2022 NRU premierliga-seisoen met 53-9 te behaal.
United se enigste punte was van die stewel van losskakel Renier Benade met twee strafdoele en ’n uitstekende skepskop – maar rustyd was die Khomasdallers reeds met 36-9 voor.
Benade het sy United-debuut gemaak nadat hy vrystelling van FNB Wanderers verkry het, waar hy sover meestal tweede span moes speel. By die Filistyne kry hy geleentheid om saam met sy broer te speel, die binnesenter Reinold Benade wat tevore ’n nasionale o.20-skrumskakel was.
Suburbs se kaptein en linkervleuel, Gino Wilson, het binne die eerste minuut ná die afskop met ’n solodrie dadelik die gasheer op die agtervoet geplaas. United kon nie die besoekers se aanslag keer nie en Suburbs se regtervleuel Dumarcho Hartung het ’n paar minute later sy span se volgende vyfpunter aangeteken.
Die eenrigtingverkeer het Suburbs in ’n goeie gees gehad, terwyl die jong United-span onder leiding van flank en kaptein Eloff du Plessis hul bes probeer het om die gety te stuit.
United het in die tweede helfte amper ’n paar drieë gedruk, maar ’n gebrek aan ondersteuning, ervaring en die vurige verdediging van Suburbs het hulle enige vreugde ontneem.
Suburbs (55). Drieë (8) deur Wilson (2), Hartung (2), plaasvervanger-skrumskakel Andrew-James Kearns (2), losskakel Justin Nel 1 drie en 1 doelskop, heelagter Ricardo Swartz 5 doelskoppe en 1 strafdoel. Geelkaart: Elliot Lombardt (plaasvervangerstut).
United (9). Benade 2 strafdoele en 1 skepskop.
KUDUS TERUG BOAAN PUNTELYS
Afrigter Gawan Esterhuizen se twee FNB Kudus-spanne het die uiters seldsame prestasie behaal om elk met ’n bonuspuntsege van die Unam-stadion af weg te kom sonder dat die studentespan ’n enkele ligapunt kon byvoeg, skryf Andrew Poolman.
Die Walvisbaaiers se oorwinning met 34-12 teen FNB Unam plaas hulle weer boaan die puntelys waar hulle vroeër in die seisoen was. Kudus het nog net een wedstryd uit nege verloor, maar hul voorsprong is steeds net een punt bo FNB Wanderers (39 teen 38).
Die wedstryd het nog skaars begin, toe die ambulanspersoneel aan Unam se loskopstut Simon Kanime aandag moes gee nadat hy ’n stamp teen die kop in ’n onsuksesvolle duikslag teen die heup van Kudus se slot Codey Naholo gekry het.
Die Unam-afrigterspan van David Philander sal dus nou boonop vir die volgende wedstryde sonder Kanime (harsingskudding) moet klaarkom, asook die haker Jeandre Cloete wat later ’n achillesbesering opgedoen het.
Die Kudus-agttal het die kitaar geslaan met ’n lynstaandryfdrie in elke helfte vir die haker Zwandre Viviers, terwyl die plaasvervangerstut Lorenco Calaca ook vir ’n drie oorgedryf het.
Vir die Kudus-flank Joshua Jacobs se drie kort ná rustyd het ’n bal vir hom reg gewip wat uit ’n Unam-lynstaan buite die kwartlyn geklap is, terwyl Kudus se agterlyn – met drie lede van die 2019 Wêreldbekerspan – hul ondernemingsgees gewys het met drieë vir heelagter Chad Plato asook die linkervleuel Paolo Andrews.
Laasgenoemde drie is aangevoer deur ’n stukkie instinktiewe spel van Kudus se losskakel Kyle Wentzel, wie se lang aangee na PJ Walters op die grond beland het toe die buitesenter teruggeduik is, maar Wentzel het die rollende bal in die rigting van Andrews geskop, wat doellyn toe kon snel sonder iemand naby hom.
Hierteenoor kon Unam die hele dag net met twee drieë antwoord, naamlik deur die nuwe regtervleuel Tonderai Ndudzo en senter Darryl Wellman, waarvan een deur Delron Brandt verdoel is.
Voor die afskop is ’n oomblik van stilte gehou ter nagedagtenis aan Cedric Haraseb, ’n gewilde klubspeler van Kudus en Western Suburbs en die Namibiese o.18 Cravenweekspan wat verlede week in ’n padongeluk omgekom het.
• Komende Saterdag se wedstrydskedule (tuisspanne eerste): FNB Grootfontein tn FNB Wanderers (regstreeks op NTV); FNB Kudus tn Trustco United op Walvisbaai; FNB Reho Falcon tn FNB Western Suburbs; FNB Unam tn FNB Rehoboth.
• Meer inligting oor die naweek se klubrugby binne in Sport Wrap, of by www.fnbrugby.my.na aanlyn.
FNB Western Suburbs 1 het Saterdag agt drieë teen Trustco United 1 in Olympia aangeteken om hul vyfde oorwinning van die 2022 NRU premierliga-seisoen met 53-9 te behaal.
United se enigste punte was van die stewel van losskakel Renier Benade met twee strafdoele en ’n uitstekende skepskop – maar rustyd was die Khomasdallers reeds met 36-9 voor.
Benade het sy United-debuut gemaak nadat hy vrystelling van FNB Wanderers verkry het, waar hy sover meestal tweede span moes speel. By die Filistyne kry hy geleentheid om saam met sy broer te speel, die binnesenter Reinold Benade wat tevore ’n nasionale o.20-skrumskakel was.
Suburbs se kaptein en linkervleuel, Gino Wilson, het binne die eerste minuut ná die afskop met ’n solodrie dadelik die gasheer op die agtervoet geplaas. United kon nie die besoekers se aanslag keer nie en Suburbs se regtervleuel Dumarcho Hartung het ’n paar minute later sy span se volgende vyfpunter aangeteken.
Die eenrigtingverkeer het Suburbs in ’n goeie gees gehad, terwyl die jong United-span onder leiding van flank en kaptein Eloff du Plessis hul bes probeer het om die gety te stuit.
United het in die tweede helfte amper ’n paar drieë gedruk, maar ’n gebrek aan ondersteuning, ervaring en die vurige verdediging van Suburbs het hulle enige vreugde ontneem.
Suburbs (55). Drieë (8) deur Wilson (2), Hartung (2), plaasvervanger-skrumskakel Andrew-James Kearns (2), losskakel Justin Nel 1 drie en 1 doelskop, heelagter Ricardo Swartz 5 doelskoppe en 1 strafdoel. Geelkaart: Elliot Lombardt (plaasvervangerstut).
United (9). Benade 2 strafdoele en 1 skepskop.
KUDUS TERUG BOAAN PUNTELYS
Afrigter Gawan Esterhuizen se twee FNB Kudus-spanne het die uiters seldsame prestasie behaal om elk met ’n bonuspuntsege van die Unam-stadion af weg te kom sonder dat die studentespan ’n enkele ligapunt kon byvoeg, skryf Andrew Poolman.
Die Walvisbaaiers se oorwinning met 34-12 teen FNB Unam plaas hulle weer boaan die puntelys waar hulle vroeër in die seisoen was. Kudus het nog net een wedstryd uit nege verloor, maar hul voorsprong is steeds net een punt bo FNB Wanderers (39 teen 38).
Die wedstryd het nog skaars begin, toe die ambulanspersoneel aan Unam se loskopstut Simon Kanime aandag moes gee nadat hy ’n stamp teen die kop in ’n onsuksesvolle duikslag teen die heup van Kudus se slot Codey Naholo gekry het.
Die Unam-afrigterspan van David Philander sal dus nou boonop vir die volgende wedstryde sonder Kanime (harsingskudding) moet klaarkom, asook die haker Jeandre Cloete wat later ’n achillesbesering opgedoen het.
Die Kudus-agttal het die kitaar geslaan met ’n lynstaandryfdrie in elke helfte vir die haker Zwandre Viviers, terwyl die plaasvervangerstut Lorenco Calaca ook vir ’n drie oorgedryf het.
Vir die Kudus-flank Joshua Jacobs se drie kort ná rustyd het ’n bal vir hom reg gewip wat uit ’n Unam-lynstaan buite die kwartlyn geklap is, terwyl Kudus se agterlyn – met drie lede van die 2019 Wêreldbekerspan – hul ondernemingsgees gewys het met drieë vir heelagter Chad Plato asook die linkervleuel Paolo Andrews.
Laasgenoemde drie is aangevoer deur ’n stukkie instinktiewe spel van Kudus se losskakel Kyle Wentzel, wie se lang aangee na PJ Walters op die grond beland het toe die buitesenter teruggeduik is, maar Wentzel het die rollende bal in die rigting van Andrews geskop, wat doellyn toe kon snel sonder iemand naby hom.
Hierteenoor kon Unam die hele dag net met twee drieë antwoord, naamlik deur die nuwe regtervleuel Tonderai Ndudzo en senter Darryl Wellman, waarvan een deur Delron Brandt verdoel is.
Voor die afskop is ’n oomblik van stilte gehou ter nagedagtenis aan Cedric Haraseb, ’n gewilde klubspeler van Kudus en Western Suburbs en die Namibiese o.18 Cravenweekspan wat verlede week in ’n padongeluk omgekom het.
• Komende Saterdag se wedstrydskedule (tuisspanne eerste): FNB Grootfontein tn FNB Wanderers (regstreeks op NTV); FNB Kudus tn Trustco United op Walvisbaai; FNB Reho Falcon tn FNB Western Suburbs; FNB Unam tn FNB Rehoboth.
• Meer inligting oor die naweek se klubrugby binne in Sport Wrap, of by www.fnbrugby.my.na aanlyn.
Kommentaar
Republikein
Geen kommentaar is op hierdie artikel gelaat nie