VSA Ope ’n tree vorentoe vir Connor
Tennis
Connor van Schalkwyk se aanslag op die Amerikaanse Junior Ope in New York het gisteraand (Namibiese tyd) in die tweede ronde geëindig, maar hy kan nietemin terugkyk op ’n betekenisvolle tree vorentoe in sy tennisloopbaan.
Die 17-jarige Namibiër, tans 61ste op die junior wêreldranglys en die afgelope twee jaar gebaseer in Swede, het Maandag het in sy openingswedstryd vir ’n ligte opskudding gesorg deur die 17-jarige Amerikaner Leanid Boika (31ste) met 6-4 6-4 uit te skakel.
Hul eersterondtewedstryd op baan 4 het een uur 41 minute geduur.
Dié oorwinning was sy eerste in ’n Junior Grand Slam-toernooi, nadat hy vanjaar by Junior Wimbledon (Julie in Londen), die Junior Franse Ope (Mei in Parys) en die Junior Australiese Ope (Januarie in Melbourne) in die eerste ronde uitgeskakel is.
Die Amerikaanse Junior Ope, met 64 spelers in die enkelspel se hoofloting, het Sondag begin en duur tot komende Saterdag.
Van Schalkwyk se volgende opponent gister – nadat Dinsdag se bestemde wedstryde weens reën uitgestel moes word – was Peter Privara van Slowakye, wat Ignacio Buse (12de gekeur in die toernooi) van Peru in sy openingswedstryd uitgeskakel het.
Privara het gister hul kragmeting se eerste stel met 7-5 beklink, nadat die twee jongmanne op 5-5 gelykop was. Die Slowaak het hierna ’n voorsprong met 4-0 in die tweede stel opgebou en hoewel Van Schalkwyk die telling 5-3 gemaak het, het sy opponent die stel met 6-3 beklink.
Van Schalkwyk het ook in die dubbelspel meeding, met Constantinos Koshis (Ciprus) as sy vennoot, maar hulle is in die eerste ronde uitgeskakel.
In ’n media-onderhoud in New York het Van Schalkwyk vertel dat hy vanaf die eerste keer dat hy Grand Slam-tennis op TV gekyk het, daarvan gedroom het om self daar te speel.
“Ek weet nie of ek ooit regtig geglo het dit sou gebeur nie. Ek is net so verheug dat ek eindelik ’n junior Grand Slam-wedstryd kon wen, en so trots om my land Namibië hier te kan verteenwoordig.
“Dit is so opwindend en bevredigend om te sien dat die harde werk en opofferinge in ons familie vrugte afwerp.”
Die 17-jarige Namibiër, tans 61ste op die junior wêreldranglys en die afgelope twee jaar gebaseer in Swede, het Maandag het in sy openingswedstryd vir ’n ligte opskudding gesorg deur die 17-jarige Amerikaner Leanid Boika (31ste) met 6-4 6-4 uit te skakel.
Hul eersterondtewedstryd op baan 4 het een uur 41 minute geduur.
Dié oorwinning was sy eerste in ’n Junior Grand Slam-toernooi, nadat hy vanjaar by Junior Wimbledon (Julie in Londen), die Junior Franse Ope (Mei in Parys) en die Junior Australiese Ope (Januarie in Melbourne) in die eerste ronde uitgeskakel is.
Die Amerikaanse Junior Ope, met 64 spelers in die enkelspel se hoofloting, het Sondag begin en duur tot komende Saterdag.
Van Schalkwyk se volgende opponent gister – nadat Dinsdag se bestemde wedstryde weens reën uitgestel moes word – was Peter Privara van Slowakye, wat Ignacio Buse (12de gekeur in die toernooi) van Peru in sy openingswedstryd uitgeskakel het.
Privara het gister hul kragmeting se eerste stel met 7-5 beklink, nadat die twee jongmanne op 5-5 gelykop was. Die Slowaak het hierna ’n voorsprong met 4-0 in die tweede stel opgebou en hoewel Van Schalkwyk die telling 5-3 gemaak het, het sy opponent die stel met 6-3 beklink.
Van Schalkwyk het ook in die dubbelspel meeding, met Constantinos Koshis (Ciprus) as sy vennoot, maar hulle is in die eerste ronde uitgeskakel.
In ’n media-onderhoud in New York het Van Schalkwyk vertel dat hy vanaf die eerste keer dat hy Grand Slam-tennis op TV gekyk het, daarvan gedroom het om self daar te speel.
“Ek weet nie of ek ooit regtig geglo het dit sou gebeur nie. Ek is net so verheug dat ek eindelik ’n junior Grand Slam-wedstryd kon wen, en so trots om my land Namibië hier te kan verteenwoordig.
“Dit is so opwindend en bevredigend om te sien dat die harde werk en opofferinge in ons familie vrugte afwerp.”
Kommentaar
Republikein
Geen kommentaar is op hierdie artikel gelaat nie