Wedsyfers swaar gelaai teen sukses in Harare

Namibië se sewesspan staar môre en Sondag in Harare ’n ewe “onmoontlike missie” in die gesig as wat vanaand se All Blacks in die Wêreldbeker-wedstryd in Toulouse vir Johan Deysel-hulle inhou.Afrigter David Philander moes nog dié week laat veranderinge aan sy aanvanklike spelersgroep in die Afrika-sewestoernooi aanbring.Die wenner sal vir die 2024 Olimpiese Spele in Frankryk kwalifiseer.Die spanne in plekke 2 en 3 in Afrika sal in Junie volgende jaar teen die tweede- en derdebestes van Asië, Europa, Oseanië, Noord-Amerika en Suid-Amerika in die finale uitduntoernooi sake om die 12de en laaste beskikbare Olimpiese posisie uitspook.Namibië het opnuut ’n nuwe kaptein in Reinold Benade, senter van United.Hoewel Philander, wat by Ronaldo Pedro oorneem, reeds in Maart ’n oefengroep byeen geroep het, het beserings en 15-liga klubverpligtinge hul voorbereiding bemoeilik.In die nuutste veranderinge neem Franklin Karigub en die Unam-paar AJ Kearns en Viery Haufiku die plekke van Peter Diergaardt (terug na klub in Pole), Geraldo Beukes en Niel Holtzhausen (beide beseer) in.Namibië se span: Reinold Benade (kaptein, United), Hillian Beukes, Elmarco Beukes (beide Rehoboth), Franklin Karigub (Reho Falcon), Morgan Esterhuizen (Western Suburbs), Johan Luttig (Grootfontein), Darius von Solms, Danie van der Merwe (beide Wanderers), Viery Haufiku, AJ Kearns, Aljarreau Zaahl en Shareave Titus (almal Unam).Elmarco Beukes en die laat plaasvervanger Karigub is die enigstes wat van laas jaar se Afrika-toernooi in Uganda oorgebly het, toe Oderich Mouton die kaptein was. Laas jaar was Beukes die enigste spanlid wat ook in Cameron Langenhoven se 2019-span in Johannesburg was.Namibië se 2022-uitslae was ’n voortsetting van sy gesukkel teen Afrika se meer aktiewe nasies – klop Ghana 19-10, verloor teen Madagaskar 41-0; verloor teen Kenia 33-7; verloor teen Zimbabwe 27-17.Namibië se beste onlangse Afrika-eindposisie was vyfde uit 14 spanne in Johannesburg in 2019 – met Philander as afrigter. Drie van dié spanlede (Gerswin Mouton, Max Katjijeko, Adriaan Booysen) speel vanaand in Toulouse teen die Kiwi’s.GROEPERINGGroep A: Suid-Afrika, Madagaskar, Tunisië, Ivoorkus.Groep B: Kenia, Zambië, Namibië, NigeriëGroep C: Uganda, Zimbabwe., Burkina Faso, Algerië.Namibië se groepwedstryde is môre teen Zambië (09:44), Kenia (12:50) en Nigerië (15:12).Regstreekse beeldsending op die Facebook-blad van Rugby Afrique.DIE GUNSTELINGEMet Siviwe Soyizwapi (knieoperasie) vir minstens nege maande uit, sal Impi Visser die gesoute groep van die Blitsbokke aanvoer.Suid-Afrika moet aan die Afrika-toernooi deelneem omdat hy in die 2022-’23-seisoen slegs sewende op die puntelys van die Wêreldreeks geëindig het en derhalwe nie outomaties vir die Spele gekwalifiseer het nie.Vir Visser (28) is dit nie nuut om die Blitsbokke aan te voer nie. Hy het die taak vroeg in 2022 in Spanje in die Wêreldreeks verrig toe Soyizwapi ook beseer was.Zain Davids (26), nog ’n ervare speler en gewese kaptein, is die Blitsbokke se onderkaptein.Die gewese Springbok-vleuel Rosko Specman, wat verlede maand weer by die Blitsbokke aangesluit het, sal in Harare meestal as vleuel diens doen.Dis die eerste keer sedert die Kaapstad-sewestoernooi in 2019 dat Specman vir die Blitsbokke in aksie is. Hy het die laaste paar jaar op vyftienmanrugby gefokus.Die kwiksilwer Selvyn Davids is ook terug in die Blitsbok-groep nadat hy ’n groot deel van die 2022-’23-Wêreldreeks weens ’n liesbesering misgeloop het.Met Selvyn Davids en Justin Geduld wat as spelskeppers oorweeg kan word, lyk die Blitsbok-groep na een wat teenstanders probleme sal besorg.Blitsbokke (getal Wêreldreeks-toernooie in hakies): Christie Grobbelaar (18), Ryan Oosthuizen (43), Impi Visser (kaptein, 32), Zain Davids (onderkaptein, 40), Travis Ismaiel (5), Ricardo Duarttee (10), Ronald Brown (13), Selvyn Davids (29), Justin Geduld (54), Donovan Don (4), Rosko Specman (30), Shilton van Wyk (13).Kenia, onder kapteinskap van Vincent Onyala, en dalk Uganda hou waarskynlik die grootste gevaar vir die Blitsbokke in.Voor hul tuisskare lyk die Zimbabwe Cheetahs ook giftig, met ervare kalante soos skrumskakel Hilton Mudariki, Tapiwa Mafura (heelagter van Vrystaat-Cheetahs), senter Riaan O’Neill en vleuel Takudzwa Kumadiro.Suid-Afrika (sesde), Kenia (12de), Uganda (17de) en Zimbabwe (23ste) het verlede jaar September by die wêreldtoernooi in Kaapstad meegeding.– Bykomende beriggewing deur Netwerk24

Wedsyfers swaar gelaai teen sukses in Harare

Kommentaar

Republikein 2025-04-04

Meld asseblief aan om kommentaar te lewer

Wedsyfers swaar gelaai teen sukses in Harare

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie