Windies-held Lloyd kap tweevlakstruktuur vir toetskrieket

Clive Lloyd is “ontsteld” oor die idee van ’n tweevlakstruktuur vir toetskrieket en dié voormalige kaptein van die Wes-Indiese Eilande glo pogings moet eerder daarop fokus om te verseker dat sukkelende spanne meer gereeld teen die topspanne speel.Luidens ’n berig in die Sydney Morning Herald is Indië, Australië en Engeland in gesprekke om toetskrieket in twee afdelings te verdeel sodat die sport se “Groot Drie” meer gereeld teen mekaar kan speel.Jay Shah, die Internasionale Krieketraad (IKR) se Indiese voorsitter, sal na berig word later vandeesmaand met verteenwoordigers van die Australiese en Engelse direksies vergader.Lloyd is hewig krities oor die idee en hy glo dit kan katastrofies wees vir spanne soos die Windies, wat die sport in die 1970’s en 1980’s, toe hy kaptein was, oorheers het.“Ek dink dit sal verskriklik wees vir al daardie lande wat so hard gewerk het om toetsstatus te verkry,” sê die 80-Lloyd.“Hulle sal nou onder mekaar in die laer afdeling speel. Hoe gaan hulle dit boontoe maak? Slegs wanneer jy teen beter spanne speel.”Die IKR het nie onmiddellik kommentaar gelewer oor of die voorstel oorweeg word nie.T20-aanslagClive Lloyd het die magtige Windies in die 1970’s en 1980’s aangevoer. Foto: Getty ImagesToetskrieket steier onder die gewildheid van T20-ligas oor die wêreld heen, maar die formaat lewer intense drama op die topvlak.Indië het pas ’n reusereeks voor groot skares in Australië gespeel en die span se volgende toetsverpligting is nog ’n reeks van vyf wedstryde in Engeland in Junie en Julie.Ravi Shastri, voormalige afrigter van Indië, is ’n uitgesproke voorstander van die tweevlakkonsep, wat hy glo kan help om toetskrieket teen die T20-formaat te laat oorleef.“Die topspanne speel meer gereeld teen mekaar, so daar is mededinging en dit is wat jy wil hê,” sê Shastri.Lloyd waarsku dat om na die laer vlak verban te word met ’n ooreenstemmende afname in finansiering kan lei tot die verbrokkeling van die Windies-span, wat uit spelers van 15 eilandlande bestaan.“Ons eilande moet saam speel. Ons doen dit al jare lank,” sê hy.Terwyl ’n krieketmal Indië as die sport se finansiële enjin na vore getree het, onthou Lloyd hoe die Wes-Indiese Eilande bygedra het tot die spel se ontwikkeling, onder meer deur hul spelers in die 1970’s aan graafskapkrieket in Engeland te leen.“Ons was die kontantkoeie vir baie lande oor die jare heen... mense moet dit erken,” sê hy.“Maar ons is nou in daardie situasie waar ons die hulp nodig het en ons kan dit nie kry nie.” – Netwerk24/Reuters

Windies-held Lloyd kap tweevlakstruktuur vir toetskrieket

Kommentaar

Republikein 2025-04-01

Meld asseblief aan om kommentaar te lewer

Windies-held Lloyd kap tweevlakstruktuur vir toetskrieket

Kommentaar

Republikein 2025-04-01

Meld asseblief aan om kommentaar te lewer

MELD AAN

Advertensie