Beatrice klop weer haar eie rekord
Atletiek
Beatrice Masilingi, Namibië se Olimpiese atleet, het die afgelope Sondag opnuut in België aan 'n binnenshuise atletiekbyeenkoms deelgeneem.
Sondagaand was die 21-jarige Namibiër by die Aalsterse Binnenshuise kompetisie in Ghent in aksie waar sy haar Namibiese 200 meter rekord verbeter het. Sy het ‘n uistekende wedloop gehad en 23.32 sekondes op die stophorlosie geregistreer.
Masilingi het haar eerste Namibiese 200 m-rekord op 1 Februarie by die IFAM Ghent Topsporthal Vlaanderen Binnenshuise byeenkoms in 23.65 sekondes behaal. Sy het toe Danica van Wyk se rekord (25.71 sekondes) van 2006 met 2.06 sekondes verpletter.
Haar tweede rekord was weer in Ghent op 8 Februarie by die Open Met Jeug-byeenkoms met ‘n blitsige tyd van 23.54 sekondes.
Sy het vanjaar tot nou 2.39 sekondes van die oud-Namibiese 200 m-rekord (25.71 s) afgeknyp.
60 meter
Masilingi het ook die afgelope Sondagnamiddag die kort 60 meter-wedloop aangedurf waar die atlete se wegspring ‘n groot rol in hul uitslae speel. Sy het toe algeheel tweede in 7.45 sekondes geplaas.
Janie de Naeye van België was eerste met 7.33 sekondes, terwyl haar landgenoot, Laures Bauwens, derde in 7.45 geplaas was.
Daar is meer as wedloop deur die vroue gehardloop en die onderskeie tye is gebruik om die atlete se finale posisies te bepaal.
Haar 7.45 sekondes is slegs 0.10 van ‘n sekonde stadiger as haar Namibiese 60-meterrekord. Sy het 7.35 sekondes op 1 Februarie by die IFAM Ghent Topsporthal Vlaanderen-byeenkoms behaal. Sy het toe Jolene Jacobs se Namibiese rekord (2020) van 7.46 sekondes verbeter.
Sy het sedert 1 Februarie vanjaar by vier binnenshuise byeenkomste in Europa in die wegspringblokke gestaan. Sy en haar afrigter Henk Botha keer vandeesweek terug na die hoofstad.
Geskiedenis
Botha het in Januarie 2025 opnuut geskiedenis gemaak toe hy ‘n lisensie van Wêreldatletiek gekry het om atlete as hul agent te verteenwoordig. Hy is die eerste Namibies geregistreerde agent wat ook internasionale atlete kan verteenwoordig.
“Dit was nie maklik om as agent te kwalifiseer nie. Ek moes baie moeite doen om daarby uit te kom. Maar soos met alles in die lewe, moet jy die pad loop om ’n positiewe resultaat te kry.
“Ons het darem nou ‘n beter kans en houvas om atlete in Namibië beter te kan verteenwoordig en vir hulle geleenthede te skep. In die verlede was dit altyd ‘n probleem om Namibiese atlete te beskerm,” het die afrigter verduidelik. – [email protected]
Masilingi het haar eerste Namibiese 200 m-rekord op 1 Februarie by die IFAM Ghent Topsporthal Vlaanderen Binnenshuise byeenkoms in 23.65 sekondes behaal. Sy het toe Danica van Wyk se rekord (25.71 sekondes) van 2006 met 2.06 sekondes verpletter.
Haar tweede rekord was weer in Ghent op 8 Februarie by die Open Met Jeug-byeenkoms met ‘n blitsige tyd van 23.54 sekondes.
Sy het vanjaar tot nou 2.39 sekondes van die oud-Namibiese 200 m-rekord (25.71 s) afgeknyp.
60 meter
Masilingi het ook die afgelope Sondagnamiddag die kort 60 meter-wedloop aangedurf waar die atlete se wegspring ‘n groot rol in hul uitslae speel. Sy het toe algeheel tweede in 7.45 sekondes geplaas.
Janie de Naeye van België was eerste met 7.33 sekondes, terwyl haar landgenoot, Laures Bauwens, derde in 7.45 geplaas was.
Daar is meer as wedloop deur die vroue gehardloop en die onderskeie tye is gebruik om die atlete se finale posisies te bepaal.
Haar 7.45 sekondes is slegs 0.10 van ‘n sekonde stadiger as haar Namibiese 60-meterrekord. Sy het 7.35 sekondes op 1 Februarie by die IFAM Ghent Topsporthal Vlaanderen-byeenkoms behaal. Sy het toe Jolene Jacobs se Namibiese rekord (2020) van 7.46 sekondes verbeter.
Sy het sedert 1 Februarie vanjaar by vier binnenshuise byeenkomste in Europa in die wegspringblokke gestaan. Sy en haar afrigter Henk Botha keer vandeesweek terug na die hoofstad.
Geskiedenis
Botha het in Januarie 2025 opnuut geskiedenis gemaak toe hy ‘n lisensie van Wêreldatletiek gekry het om atlete as hul agent te verteenwoordig. Hy is die eerste Namibies geregistreerde agent wat ook internasionale atlete kan verteenwoordig.
“Dit was nie maklik om as agent te kwalifiseer nie. Ek moes baie moeite doen om daarby uit te kom. Maar soos met alles in die lewe, moet jy die pad loop om ’n positiewe resultaat te kry.
“Ons het darem nou ‘n beter kans en houvas om atlete in Namibië beter te kan verteenwoordig en vir hulle geleenthede te skep. In die verlede was dit altyd ‘n probleem om Namibiese atlete te beskerm,” het die afrigter verduidelik. – [email protected]
Kommentaar
Republikein
Geen kommentaar is op hierdie artikel gelaat nie