Opwindende atletiekseisoen vir 2025 voorspel

Wêreldatletiek se eerste Diamantliga-byeenkoms sal vanjaar op 26 April in Xiamen, China, by die Egret-stadion plaasvind.Letsile Tebogo van Botswana, die wêreld en Afrika se voorste mansatleet, het bevestig dat hy met sy voorbereiding vir die Wêreld-atletiekkampioenskappe by dié kompetisie sal begin. Hy sal sy plek in die wegspringblokke vir die 100 meter-naelloop volstaan.Tebogo het die goue medalje by die 2024 Olimpiese Spele in Parys, Frankryk, in die 200 meter met 19.46 sekondes opgeraap. Sy 19.46 is ’n Afrika-rekord sowel as ’n nasionale rekord vir Botswana. Met sy reusevertonings verlede jaar het Wêreldatletiek Tebogo as sy mansatleet vir 2024 gekroon. Hy het tydens Diamantliga-byeenkomste die 200 m in Monaco, Lausanne, Silesië en Zürich gewen asook die 100 m in Rome. By die Diamantliga-finaal in Brussel, België, het hy tweede in die 200 m geëindig.Yaroslava Mahuchikh van die Oekraïne is nog ’n Olimpiese kampioen van 2024 wat Xiamen in haar visier het. Sy is ’n driemalige Diamantliga-hoogspringkampioen. Haar prestasies verlede jaar sluit ’n wêreldrekord met 2.10 meter in wat sy in Parys, Frankryk, behaal het.Mahuchikh het in 2024 oorwinnings by Diamantliga-kompetisies in Stockholm, Lausanne en Zürich verseker voordat sy haar derde agtereenvolgende Diamantliga-trofee met goud in Brussel by die Diamantliga-finaal behaal het.Sy sal haar byeenkomsrekord van 2.02 m in Xiamen uitdaag.Julian Alfred van Saint Lucia is nog 'n 2024 Olimpiese kampioen wat vir Xiamen bespreek het. Sy het onderskeidelik goud en silwer in die 100 en 200 by die Olimpiese Spele in Parys gewen. Sy sal op 12 Junie en 15 Junie die 100 in beide Oslo en Stockholm hardloop.Vanjaar se Diamantliga-reeks bestaan uit 14 byeenkomste met die finaal op 27 en 28 Augustus in Zürich, Switserland.DATUMS VIR DIE 2025-REEKS:26 April – Xiamen, China3 Mei – Shaoxing, China 16 Mei – Doha, Katar25 Mei – Rabat, Marokko6 Junie – Rome, Italië12 Junie – Oslo, Noorweë15 Junie – Stockholm, Swede20 Junie – Parys, Frankryk5 Julie – Eugene, VSA11 Julie – Monaco19 Julie – London, Brittanje16 Augustus – Chorzów, Pole20 Augustus – Lausanne, Switserland22 Augustus – Brussel, BelgiëJapan sal vanjaar se Wêreld-atletiekkampioenskappe vanaf 13 tot 21 September in Tokio aanbied. Meer as 2 000 atlete van 200 lande sal daar in aksie wees. – tielman@nsh.com.na

Opwindende atletiekseisoen vir 2025 voorspel

Kommentaar

Republikein 2025-04-04

Meld asseblief aan om kommentaar te lewer

Opwindende atletiekseisoen vir 2025 voorspel

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie