Die hoofborg se span word amptelik deur Ekko Eisenberg en navigator Horazio Rietz in hierdie M&Z Motorsport V8-JAC verteenwoordig. Foto Tielman van Lill
Die hoofborg se span word amptelik deur Ekko Eisenberg en navigator Horazio Rietz in hierdie M&Z Motorsport V8-JAC verteenwoordig. Foto Tielman van Lill

Swakoptydren bult nou tot 26 spanne

Motorsport
Tielman Van Lill
Op ietwat verrassende wyse het die M&Z Swakopmund-tydren wat môre en Saterdag by die kus plaasvind, vyf ekstra laat inskrywings ontvang.

Allan Martin en navigator Maretha Olivier (S4-klas, Skoda R5) en Hanré Myburgh/Anton Myburgh (S2, VW Polo) sal in die sedan-afdeling kompeteer.

Die veld-afdeling word deur Freddie van Niekerk/Andries Blaauw (CR1, Isuzu V6), Attie de Jager/Frikkie Engelbrecht (CR1, Ford Courier) en Johannes Grobler/Riaan Hennop (CR2, Polaris RZR) se teenwoordigheid aangevul.

Hanré het vir etlike jare nie aan tydrenne deelgeneem nie en sal gretig deur sy makkers verwelkom word.

As ‘n gewese Tara-tydrenkampioen het Allan Martin ook min bekendstelling nodig.

[email protected]

Kommentaar

Republikein 2025-04-06

Geen kommentaar is op hierdie artikel gelaat nie

Meld asseblief aan om kommentaar te lewer