Vier wedstryde het elk 'n invloed op titelresies
Klubrugby
Die voorloper FNB Kudus maak reg om weer sy stem dik te maak wanneer hy die reis na Windhoek aanpak vir Saterdag se ontmoeting met Trustco United in die Namibië Rugby-unie (NRU) se premierliga.
Die Walvisbaaiers het sover twee uit twee gewen – net soos die heersende titelhouer FNB Wanderers. Beide het elf ligapunte.
Roger Thompson (direkteur van rugby) en Shaun White (hoofafrigter) het ‘n sterk kombinasie aangewys vir die wegwedstryd in Olympia, wat volg op twee tuisoorwinnings teen FNB Dolphin (55-7) en FNB Rehoboth (26-7).
Twee voorspelers wat beide weens werkverpligtinge nie ingesluit is nie, Joshua Jacobs en Kenneth Seibeb, se plekke is gevul te midde van die Walvisbaaiers se strewe om die diepte in hul groep voortdurend uit te brei. Ja-Tamson van der Berg en Diandre Plaatjie is die twee uit die tweedespan wat bevorder is.
“United is voorlangs nie ‘n maklike opponent om sag te maak of af te breek nie, maar ons het kombinasies gekies in wie ons vertroue het om die taak te verrig,” het Thompson Woensdagaand tydens die Kudus-spanne se bekendmaking op sosiale media gesê.
Die ervare losskakel Aurelio Plato kry sy eerste beginkans ná twee vorige verskynings van die bank af, in ‘n rotasie met die belowende Michael Koopman.
Sy jonger broer Chad Plato se terugkeer Saterdag na die speelveld word algemeen verwelkom – as buitesenter vir die tweede span, wat ook boaan die NRU reserweliga se puntelys is.
Chad sal gewis weer sy talent voluit wil uitleef nadat beserings hom lank verhinder het om voort te bou op sy puik vertonings by die 2019 Wêreldbeker in Japan.
Kudus se ander vorige Wêreldbeker-agterspelers PJ Walters, Justin Newman en Lloyd Jacobs is ook langs mekaar gekies vir die eerstespan se stryd teen die Filistyne. Die Walvisbaaiers was verlede jaar beide in Walvisbaai (17-8) en by Unitedveld (20-15) aan die wenkant.
Thompson was vol lof vir hul spandokter Jeremy Strong se insette om by te dra dat Kudus reeds op Dinsdae hul twee spanne kan bevestig en op Woensdae aankondig.
FNB Kudus (teen Trustco United): 15 Aston Mukwiilongo, 14 Lloyd Jacobs, 13 Justin Newman, 12 PJ Walters, 11 Lucio Isaacs, 10 Aurelio Plato, 9 Rayshawn Shoombe, 8 Cameron Langenhoven (kaptein), 7 Franco Vries, 6 Ja-Tamson van der Berg, 5 Tertius Arangies, 4 Enzio Kotzee, 3 Craig Swartz, 2 Roberto Lensley, 1 Anthony Hoebeb.
Reserwes: Jaden Jeffery, Zwandre Viviers, Hillary Mphatso, Gregory Namaseb, Diandre Plaatjie, Michael Koopman, Alastair Miller, Irongwa Atshivudhi.
Dolphin teen Wanderers
Wanderers se afrigter Darryl de la Harpe sou gisteraand sy spanne bevestig vir die reis na Swakopmund en wedstryde teen Dolphin.
Hy het egter bevestig dat die eerstespan se kaptein en skrumskakel Jacques Theron weens ‘n kneusing aan sy skouer ‘n ruskans kry, terwyl die senter Natie van Rensburg met werkverpligtinge onbeskikbaar is. Danco Burger is ook nog op die kantlyn en herstel van ‘n stamp teen die knie.
“Hans Ngoshi (‘n aanwins van FNB Grootfontein) is terug op stut nadat hy siek was. En Liam Compion is ook weer terug nadat hy laas week moes graad vang in Kaap, maar hy sal van die bank af speel,” het De la Harpe bygevoeg.
Afrigter Hauta Veii se Dolphin-span is laas naweek op Swakopmund met 7-21 deur FNB Reho Falcon geklop, vir wie die senters Jaylon Carew en Hillian Beukes en vleuel Daniel Bezuidenhout drieë gedruk het, wat al drie deur Casey Beukes verdoel is.
Rehoboth teen Western Suburbs
FNB Western Suburbs het laas naweek in Khomasdal met 15-7 die toets teen FNB Grootfontein geslaag.
Afrigter Jood Opperman, wie se span tans derde op die puntelys is, het ‘n paar rotasies in sy spelersgroep aangebring vir Saterdag se wegwedstryd teen FNB Rehoboth. ‘n Interessante voetnota is dat Opperman laas jaar vir Rehoboth afgerig het, terwyl Jacky Bock die teenoorgestelde skuif vanaf Suburbs na die Rooi Bulle aanvaar het.
Rehoboth het sy enigste wedstryd sover laas naweek by Kudus met 7-26 verloor.
Die NTV-produksiespan sal die premierliga-wedstryd tussen Rehoboth en Suburbs regstreeks op die NTV-kanaal, asook op https://oneuptwo.com/ beeldsend (afskoptyd 15:45).
FNB Western Suburbs (teen FNB Rehoboth): 15 Digo Ashipala, 14 Gerhardt Vaino, 13 Morgan Esterhuizen, 12 Dylan Izaaks, 11 Jayden Bussel, 10 Nazume Swartz, 9 Dwayne van Zyl / Bronwon Willemse; 8 Dhale Cloete (kaptein), 7 Delano van Wyk, 6 Ethan Beukes, 5 Sebastian Kameya, 4 Billa Kaverua, 3 Gerhard Opperman, 2 Vernon Diergaardt, 1 Upahee Muhuura.
Reserwes: Simon Alweendo Gosscky, Jonathan Goliath, Howard Gawachab, Tjingairi Katjivi, Danielle Coetzee, Daryll Vries, Doctor Andreas, Wesley Haukongo.
Grootfontein teen Falcon
FNB Grootfontein (vierde) en FNB Reho Falcon (sesde) het elk sover een uit twee gewen.
Falcon het in die afseisoen 'n paar sleutelspelers aan ander klubs afgestaan, maar met die byvoeging van Gerald Loubser as hoofafrigter is die swart en rooies nog vol moed.
Die uitdaging is om Saterdag hul beste voet voor te sit in ‘n stryd tussen opponente wie se aanspraak op ‘n plek in die semifinaal nog glad nie begrawe is nie.
• Uitslae, puntestand, komende wedstrydbepalings en nuus by www.fnbrugby.my.na/
Die Walvisbaaiers het sover twee uit twee gewen – net soos die heersende titelhouer FNB Wanderers. Beide het elf ligapunte.
Roger Thompson (direkteur van rugby) en Shaun White (hoofafrigter) het ‘n sterk kombinasie aangewys vir die wegwedstryd in Olympia, wat volg op twee tuisoorwinnings teen FNB Dolphin (55-7) en FNB Rehoboth (26-7).
Twee voorspelers wat beide weens werkverpligtinge nie ingesluit is nie, Joshua Jacobs en Kenneth Seibeb, se plekke is gevul te midde van die Walvisbaaiers se strewe om die diepte in hul groep voortdurend uit te brei. Ja-Tamson van der Berg en Diandre Plaatjie is die twee uit die tweedespan wat bevorder is.
“United is voorlangs nie ‘n maklike opponent om sag te maak of af te breek nie, maar ons het kombinasies gekies in wie ons vertroue het om die taak te verrig,” het Thompson Woensdagaand tydens die Kudus-spanne se bekendmaking op sosiale media gesê.
Die ervare losskakel Aurelio Plato kry sy eerste beginkans ná twee vorige verskynings van die bank af, in ‘n rotasie met die belowende Michael Koopman.
Sy jonger broer Chad Plato se terugkeer Saterdag na die speelveld word algemeen verwelkom – as buitesenter vir die tweede span, wat ook boaan die NRU reserweliga se puntelys is.
Chad sal gewis weer sy talent voluit wil uitleef nadat beserings hom lank verhinder het om voort te bou op sy puik vertonings by die 2019 Wêreldbeker in Japan.
Kudus se ander vorige Wêreldbeker-agterspelers PJ Walters, Justin Newman en Lloyd Jacobs is ook langs mekaar gekies vir die eerstespan se stryd teen die Filistyne. Die Walvisbaaiers was verlede jaar beide in Walvisbaai (17-8) en by Unitedveld (20-15) aan die wenkant.
Thompson was vol lof vir hul spandokter Jeremy Strong se insette om by te dra dat Kudus reeds op Dinsdae hul twee spanne kan bevestig en op Woensdae aankondig.
FNB Kudus (teen Trustco United): 15 Aston Mukwiilongo, 14 Lloyd Jacobs, 13 Justin Newman, 12 PJ Walters, 11 Lucio Isaacs, 10 Aurelio Plato, 9 Rayshawn Shoombe, 8 Cameron Langenhoven (kaptein), 7 Franco Vries, 6 Ja-Tamson van der Berg, 5 Tertius Arangies, 4 Enzio Kotzee, 3 Craig Swartz, 2 Roberto Lensley, 1 Anthony Hoebeb.
Reserwes: Jaden Jeffery, Zwandre Viviers, Hillary Mphatso, Gregory Namaseb, Diandre Plaatjie, Michael Koopman, Alastair Miller, Irongwa Atshivudhi.
Dolphin teen Wanderers
Wanderers se afrigter Darryl de la Harpe sou gisteraand sy spanne bevestig vir die reis na Swakopmund en wedstryde teen Dolphin.
Hy het egter bevestig dat die eerstespan se kaptein en skrumskakel Jacques Theron weens ‘n kneusing aan sy skouer ‘n ruskans kry, terwyl die senter Natie van Rensburg met werkverpligtinge onbeskikbaar is. Danco Burger is ook nog op die kantlyn en herstel van ‘n stamp teen die knie.
“Hans Ngoshi (‘n aanwins van FNB Grootfontein) is terug op stut nadat hy siek was. En Liam Compion is ook weer terug nadat hy laas week moes graad vang in Kaap, maar hy sal van die bank af speel,” het De la Harpe bygevoeg.
Afrigter Hauta Veii se Dolphin-span is laas naweek op Swakopmund met 7-21 deur FNB Reho Falcon geklop, vir wie die senters Jaylon Carew en Hillian Beukes en vleuel Daniel Bezuidenhout drieë gedruk het, wat al drie deur Casey Beukes verdoel is.
Rehoboth teen Western Suburbs
FNB Western Suburbs het laas naweek in Khomasdal met 15-7 die toets teen FNB Grootfontein geslaag.
Afrigter Jood Opperman, wie se span tans derde op die puntelys is, het ‘n paar rotasies in sy spelersgroep aangebring vir Saterdag se wegwedstryd teen FNB Rehoboth. ‘n Interessante voetnota is dat Opperman laas jaar vir Rehoboth afgerig het, terwyl Jacky Bock die teenoorgestelde skuif vanaf Suburbs na die Rooi Bulle aanvaar het.
Rehoboth het sy enigste wedstryd sover laas naweek by Kudus met 7-26 verloor.
Die NTV-produksiespan sal die premierliga-wedstryd tussen Rehoboth en Suburbs regstreeks op die NTV-kanaal, asook op https://oneuptwo.com/ beeldsend (afskoptyd 15:45).
FNB Western Suburbs (teen FNB Rehoboth): 15 Digo Ashipala, 14 Gerhardt Vaino, 13 Morgan Esterhuizen, 12 Dylan Izaaks, 11 Jayden Bussel, 10 Nazume Swartz, 9 Dwayne van Zyl / Bronwon Willemse; 8 Dhale Cloete (kaptein), 7 Delano van Wyk, 6 Ethan Beukes, 5 Sebastian Kameya, 4 Billa Kaverua, 3 Gerhard Opperman, 2 Vernon Diergaardt, 1 Upahee Muhuura.
Reserwes: Simon Alweendo Gosscky, Jonathan Goliath, Howard Gawachab, Tjingairi Katjivi, Danielle Coetzee, Daryll Vries, Doctor Andreas, Wesley Haukongo.
Grootfontein teen Falcon
FNB Grootfontein (vierde) en FNB Reho Falcon (sesde) het elk sover een uit twee gewen.
Falcon het in die afseisoen 'n paar sleutelspelers aan ander klubs afgestaan, maar met die byvoeging van Gerald Loubser as hoofafrigter is die swart en rooies nog vol moed.
Die uitdaging is om Saterdag hul beste voet voor te sit in ‘n stryd tussen opponente wie se aanspraak op ‘n plek in die semifinaal nog glad nie begrawe is nie.
• Uitslae, puntestand, komende wedstrydbepalings en nuus by www.fnbrugby.my.na/
Kommentaar
Republikein
Geen kommentaar is op hierdie artikel gelaat nie