Pretdag by Omeya bied iets van alles

Die Omeya-gholfklub het Saterdag ’n klubkompetisie met verskeie formate aangebied. Danksy die aangename weer het ’n vol veld meegeding aan putjies vierspel, ses putjies beterbal en ses putjies gesamentlike stableford. Die wenspan vir die dag (Douglas Holtzhausen en Gareth Howard) het met 56 punte geëindig – net een punt voor Andy en Andrew Muller met 55 punte wat op uittel tweede geplaas is teenoor George Lumley en Len Haasbroek met 55 punte. Pryse vir houe naaste aan die pen is deur Jane Liebenberg (putjie 7) en Wilmari Woest (putjie 17) ingepalm. Van links is Andy Muller, Andrew Muller, Wilmari Woest, Douglas Holtzhausen, Gareth Howard, Len Haasbroek en George Lumley.