Groen lig vir plaaslike ruimtesentrum-projek
Namibië het homself daartoe verbind om die voortou te neem in Afrika se ontwikkeling van ruimtetegnologie, met die goedkeuring van die Namibië Ruimtesentrum-projek (space port) deur Eos Capital, bestuurders van die Namibië Infrastruktuur Ontwikkeling en Beleggingsfonds (NIDIF).
Dié visioenêre inisiatief wat deur ’n N$540 miljoen-infrastruktuurfonds gerugsteun word, het ten doel om Namibië in die internasionale arena van satellietkommunikasie te vestig, onder leiding van Q-KON Namibia.
Die minister van inligting en kommunikasietegnologie, Emma Theofelus, sê die vestiging van die sentrum is ’n beduidende stap om ruimtetegnologie te benut om kommunikasievermoëns oraloor Namibië en Afrika te verbeter.
Dit is in lyn met Namibië se nasionale beleid vir ruimtewetenskap en tegnologie wat in Junie 2021 bekend gestel is, en dui op die land se verbintenis tot ruimteverkenning, innovasie en volhoubare ontwikkeling.
Q-KON Namibia, as ’n gelisensieerde satellietdiensverskaffer, verwag om deur die plaaslike ruimtesentrum ’n deurslaggewende rol in die lae-wenteling-satellietbedryf se groei in Afrika suid van die Sahara te speel.
Dr. Dawie de Wet, die groep uitvoerende hoof van Q-KON, het sy entoesiasme uitgespreek om aan die stuur van dié inisiatief te staan, wat nie net belowe om Namibië se tegnologiese vaardighede op te skerp nie, maar ook om satellietoperateurs wêreldwyd te ondersteun in die verbetering van grondinfrastruktuur.
Die projek se aanvanklike fases sal noodsaaklike dienste insluit en noodsaaklike data-uitsendings vanaf wentelende satelliete moontlik maak. Terselfdertyd sal dit bydra tot wetenskaplike navorsing en opvoedkundige inisiatiewe oraloor die land.
Daar word ook verwag dat die plaaslike ruimtesentrum ’n deurslaggewende rol sal speel in die oorbrugging van die digitale gaping in Afrika deur alomteenwoordige satelliet-internetkonnektiwiteit met minder vertragings en hoëspoed-datatransmissie, sowel as onmiddellike en uitgebreide breëbanddekking te bied sonder die behoefte aan uitgebreide infrastruktuur vir mobiele torings.
Namate die projek vorder, word verdere ontwikkelings in die komende maande verwag, wat ’n belangrike mylpaal in Namibië se reis om ’n spilpunt vir satellietkommunikasie en tegnologiese innovasie in Afrika te word, merk.
– [email protected]
Dié visioenêre inisiatief wat deur ’n N$540 miljoen-infrastruktuurfonds gerugsteun word, het ten doel om Namibië in die internasionale arena van satellietkommunikasie te vestig, onder leiding van Q-KON Namibia.
Die minister van inligting en kommunikasietegnologie, Emma Theofelus, sê die vestiging van die sentrum is ’n beduidende stap om ruimtetegnologie te benut om kommunikasievermoëns oraloor Namibië en Afrika te verbeter.
Dit is in lyn met Namibië se nasionale beleid vir ruimtewetenskap en tegnologie wat in Junie 2021 bekend gestel is, en dui op die land se verbintenis tot ruimteverkenning, innovasie en volhoubare ontwikkeling.
Q-KON Namibia, as ’n gelisensieerde satellietdiensverskaffer, verwag om deur die plaaslike ruimtesentrum ’n deurslaggewende rol in die lae-wenteling-satellietbedryf se groei in Afrika suid van die Sahara te speel.
Dr. Dawie de Wet, die groep uitvoerende hoof van Q-KON, het sy entoesiasme uitgespreek om aan die stuur van dié inisiatief te staan, wat nie net belowe om Namibië se tegnologiese vaardighede op te skerp nie, maar ook om satellietoperateurs wêreldwyd te ondersteun in die verbetering van grondinfrastruktuur.
Die projek se aanvanklike fases sal noodsaaklike dienste insluit en noodsaaklike data-uitsendings vanaf wentelende satelliete moontlik maak. Terselfdertyd sal dit bydra tot wetenskaplike navorsing en opvoedkundige inisiatiewe oraloor die land.
Daar word ook verwag dat die plaaslike ruimtesentrum ’n deurslaggewende rol sal speel in die oorbrugging van die digitale gaping in Afrika deur alomteenwoordige satelliet-internetkonnektiwiteit met minder vertragings en hoëspoed-datatransmissie, sowel as onmiddellike en uitgebreide breëbanddekking te bied sonder die behoefte aan uitgebreide infrastruktuur vir mobiele torings.
Namate die projek vorder, word verdere ontwikkelings in die komende maande verwag, wat ’n belangrike mylpaal in Namibië se reis om ’n spilpunt vir satellietkommunikasie en tegnologiese innovasie in Afrika te word, merk.
– [email protected]
Kommentaar
Republikein
Geen kommentaar is op hierdie artikel gelaat nie