MTC waarsku teen ledigheid

Elizabeth Kheibes - MTC het die publiek aangemoedig om lang rye op die laaste nippertjie te vermy deur die verlenging van die afsnydatum vir die registrasie van simkaarte ten volle te benut. Die verlenging is in Desember aangekondig en sal na verwagting tot Maart duur. MTC se bestuurder vir korporatiewe sake, John Ekongo, het gesê die publiek se trae reaksie sedert die aankondiging van die verlengde sperdatum het tot gevolg dat ’n minimale aantal verbruikers by registrasiepunte aanmeld.

"Ons het opgemerk die publiek maak nie ten volle van die geleentheid gebruik om hul simkaarte te registreer nie. Die meeste van MTC se handelswinkels en registrasiepunte leeg of daar is slegs ’n handjievol mense wat opdaag," het Ekandjo gesê.

Tot op hede het MTC 1 345 896 simkaarte suksesvol geregistreer met nog 585 197 wat voor die sperdatum in Maart moet registreer. Diegene wat wil bevestig of hul simkaarte reeds geregistreer is, kan ’n WhatsApp boodskap stuur aan 264 81 150 0100. Aanlyn simregistrasie is beskikbaar by q.my.na/7Q8T. - [email protected]