Namibië treur saam
Namibiërs wat dié naweek hul laaste eer aan wyle president Hage Geingob by die Onafhanklikheidstadion en die Heldeakker in Windhoek gaan betoon, sal internetverbinding hê.
Dit te danke aan Telecom Namibia en MTC wat voorsiening gemaak het dat Namibiërs wat die gebeurtenisse bywoon dit met familie en vriende landswyd en wêreldwyd kan deel.
Telecom Namibia se uitvoerende hoof, dr. Stanley Shanapinda, sê: “Ons het nie geskroom om aan die versoeke vir internetverbinding te voldoen nie, aangesien dit in publieke belang is. Hierdie ondersteuning verseker dat Namibiërs oraloor die land nie uitgesluit word van die bedrywighede in die hoofstad gedurende die routydperk en die dag van president Geingob se begrafnis nie.”
“Wyle president Geingob was instrumenteel om groei in verskeie sektore te verseker, insluitend die telekommunikasie en inligtingsektor. Dit is dus gepas dat die instrumente wat ons wyle president gehelp het, gebruik word om kommunikasie met Namibiërs oraloor die land toe te laat, terwyl die nasie afskeid neem van ’n visioenêre leier,” sê Shanapinda.
Telecom Namibia se woordvoerder, Nomvula Kambinda, het herhaal: “Wanneer ons versoek word om internetverbinding op verskeie plekke oraloor Windhoek, en in sommige gevalle in die streke te verseker, het Telecom Namibia nie geskroom om positief te reageer nie.”
REGSTREEKS VANAF HELDEAKKER
“Om ’n regstreekse uitsending van die geleentheid aan ’n wêreldwye en plaaslike gehoor te fasiliteer, het Telecom Namibia met trots ’n toegewyde 200 Mbps BizLink-internetverbinding by die Heldeakker verskaf,” brei sy uit.
“Hierdie robuuste internetverbinding bemagtig die nasionale uitsaaier, NBC, om hoëgehalte-dekking van die seremonie te lewer,” voeg sy by.
MTC se inligtingsentrum spog ook met ’n toegewyde 100 Mbps-internetverbinding, terwyl ’n nuwe 20 Mbps toegewyde verbinding by Casa Rosalia, Geingob se familiehuis, opgestel is.
Die Onafhanklikheidstadion geniet ook toegang tot ’n 100 Mbps-internetverbinding vanaf die Namibiese polisie se hoofkantoor.
Buite Windhoek is ’n 20 Mbps-verbinding opgestel vir die Otjozondjupa-goewerneur se byeenkoms by die Mokati-stadion, en vir die goewerneur in die Kavango-Oosstreek se byeenkoms by Rundu se sportstadion is ’n 20 Mbps-breëbandverbinding, saam met twee toegewyde telefoonlyne, ook ingespan.
“Deur hierdie pogings het Telecom Namibia meer as N$100 000 bygedra om ononderbroke kommunikasie en die verspreiding van inligting gedurende hierdie kritieke tyd te verseker,” sê Kambinda.
“Aangesien dié lyne slegs vir regstreekse uitsendings geoormerk is, en nie aan die publiek nie, word daar tans geen beperkings verwag om kapasiteit te bestuur nie. Ons monitor dit egter voortdurend, en behou die reg voor om tydelike maatreëls te implementeer, soos om spesifieke stromingsdienste te prioritiseer, of gelyktydige verbindings te beperk, indien nodig om optimale werkverrigting vir alle gebruikers te verseker,” sê Kambinda.
MTC se woordvoerder, John Ekongo, het by navraag gesê: “MTC is bewus van die netwerkvereistes, veral met meer mense wat na verwagting in Windhoek sal aankom vir wyle Hage Geingob se begrafnis. Ons span het die netwerkspoed verhoog en die netwerkkapasiteit by die Onafhanklikheidstadion en die Heldeakker se netwerk-webwerwe geoptimaliseer. Ons tegnici sal, soos normaalweg, op bystand wees om goeie internetverbinding te monitor en te verseker.”
– [email protected]
Dit te danke aan Telecom Namibia en MTC wat voorsiening gemaak het dat Namibiërs wat die gebeurtenisse bywoon dit met familie en vriende landswyd en wêreldwyd kan deel.
Telecom Namibia se uitvoerende hoof, dr. Stanley Shanapinda, sê: “Ons het nie geskroom om aan die versoeke vir internetverbinding te voldoen nie, aangesien dit in publieke belang is. Hierdie ondersteuning verseker dat Namibiërs oraloor die land nie uitgesluit word van die bedrywighede in die hoofstad gedurende die routydperk en die dag van president Geingob se begrafnis nie.”
“Wyle president Geingob was instrumenteel om groei in verskeie sektore te verseker, insluitend die telekommunikasie en inligtingsektor. Dit is dus gepas dat die instrumente wat ons wyle president gehelp het, gebruik word om kommunikasie met Namibiërs oraloor die land toe te laat, terwyl die nasie afskeid neem van ’n visioenêre leier,” sê Shanapinda.
Telecom Namibia se woordvoerder, Nomvula Kambinda, het herhaal: “Wanneer ons versoek word om internetverbinding op verskeie plekke oraloor Windhoek, en in sommige gevalle in die streke te verseker, het Telecom Namibia nie geskroom om positief te reageer nie.”
REGSTREEKS VANAF HELDEAKKER
“Om ’n regstreekse uitsending van die geleentheid aan ’n wêreldwye en plaaslike gehoor te fasiliteer, het Telecom Namibia met trots ’n toegewyde 200 Mbps BizLink-internetverbinding by die Heldeakker verskaf,” brei sy uit.
“Hierdie robuuste internetverbinding bemagtig die nasionale uitsaaier, NBC, om hoëgehalte-dekking van die seremonie te lewer,” voeg sy by.
MTC se inligtingsentrum spog ook met ’n toegewyde 100 Mbps-internetverbinding, terwyl ’n nuwe 20 Mbps toegewyde verbinding by Casa Rosalia, Geingob se familiehuis, opgestel is.
Die Onafhanklikheidstadion geniet ook toegang tot ’n 100 Mbps-internetverbinding vanaf die Namibiese polisie se hoofkantoor.
Buite Windhoek is ’n 20 Mbps-verbinding opgestel vir die Otjozondjupa-goewerneur se byeenkoms by die Mokati-stadion, en vir die goewerneur in die Kavango-Oosstreek se byeenkoms by Rundu se sportstadion is ’n 20 Mbps-breëbandverbinding, saam met twee toegewyde telefoonlyne, ook ingespan.
“Deur hierdie pogings het Telecom Namibia meer as N$100 000 bygedra om ononderbroke kommunikasie en die verspreiding van inligting gedurende hierdie kritieke tyd te verseker,” sê Kambinda.
“Aangesien dié lyne slegs vir regstreekse uitsendings geoormerk is, en nie aan die publiek nie, word daar tans geen beperkings verwag om kapasiteit te bestuur nie. Ons monitor dit egter voortdurend, en behou die reg voor om tydelike maatreëls te implementeer, soos om spesifieke stromingsdienste te prioritiseer, of gelyktydige verbindings te beperk, indien nodig om optimale werkverrigting vir alle gebruikers te verseker,” sê Kambinda.
MTC se woordvoerder, John Ekongo, het by navraag gesê: “MTC is bewus van die netwerkvereistes, veral met meer mense wat na verwagting in Windhoek sal aankom vir wyle Hage Geingob se begrafnis. Ons span het die netwerkspoed verhoog en die netwerkkapasiteit by die Onafhanklikheidstadion en die Heldeakker se netwerk-webwerwe geoptimaliseer. Ons tegnici sal, soos normaalweg, op bystand wees om goeie internetverbinding te monitor en te verseker.”
– [email protected]
Kommentaar
Republikein
Geen kommentaar is op hierdie artikel gelaat nie