Opgeskerpte sekuriteit vir skepe aan die Namibiese kus
Die kommunikasie vir skeepsverkeer langs die Namibiese kus sal verbeter word en sodoende sal sekuriteit op see opgeskerp word.
Telecom Namibia het gister ’n strategiese belegging in die sekuriteit en veiligheid van maritieme verkeer aangekondig. Dié telekommunikasie-maatskappy sal in samewerking met die maatskappy Marintel JV die nood- en sekuriteitstelsels opknap en opdateer.
Die globale maritieme nood- en veiligheidstelsel (GMDSS) langs Namibië se kus sal voortaan voltyds beskikbaar wees en sal ononderbroke monitering vir noodgevalle en veiligheidskwessies verskaf.
“Die kusstasies is toegerus sodat hulle noodboodskappe met verskeie kommunikasiemetodes soos VHF en MF/HF kan ontvang en waarskuwings kan stuur en ontvang. Dit sal die maritieme kommunikasievaardighede verbeter,” sê Telecom.
Die toerismebedryf sal na verwagting ook by hierdie verbetering baat vind, veral met maritieme aktiwiteite.
Die projek sal na verwagting in Desember 2025 voltooi wees. Die Marintel-groep is sedert 2010 in Azerbaidjan en Dubai gevestig. In 2018 het dié groep die TransOceana GMDSS-sagteware-suite bekom, wat al meer as 10 jaar deur Telecom gebruik word en nou opgedateer moet word.
Dié tegnologie is spesiaal vir die bestuur van sekuriteitsboodskappe met selektiewe digitale oproepe (DSC) ontwikkel en word hoofsaaklik deur handelskepe gebruik om belangrike sekuriteitsinligting soos noodoproepe uit te stuur.
– [email protected]
Telecom Namibia het gister ’n strategiese belegging in die sekuriteit en veiligheid van maritieme verkeer aangekondig. Dié telekommunikasie-maatskappy sal in samewerking met die maatskappy Marintel JV die nood- en sekuriteitstelsels opknap en opdateer.
Die globale maritieme nood- en veiligheidstelsel (GMDSS) langs Namibië se kus sal voortaan voltyds beskikbaar wees en sal ononderbroke monitering vir noodgevalle en veiligheidskwessies verskaf.
“Die kusstasies is toegerus sodat hulle noodboodskappe met verskeie kommunikasiemetodes soos VHF en MF/HF kan ontvang en waarskuwings kan stuur en ontvang. Dit sal die maritieme kommunikasievaardighede verbeter,” sê Telecom.
Die toerismebedryf sal na verwagting ook by hierdie verbetering baat vind, veral met maritieme aktiwiteite.
Die projek sal na verwagting in Desember 2025 voltooi wees. Die Marintel-groep is sedert 2010 in Azerbaidjan en Dubai gevestig. In 2018 het dié groep die TransOceana GMDSS-sagteware-suite bekom, wat al meer as 10 jaar deur Telecom gebruik word en nou opgedateer moet word.
Dié tegnologie is spesiaal vir die bestuur van sekuriteitsboodskappe met selektiewe digitale oproepe (DSC) ontwikkel en word hoofsaaklik deur handelskepe gebruik om belangrike sekuriteitsinligting soos noodoproepe uit te stuur.
– [email protected]
Kommentaar
Republikein
Geen kommentaar is op hierdie artikel gelaat nie