Stilswye oor Starlink
Die ministerie van inligting en kommunikasietegnologie het geweier om ingesleep te word by hoe die potensiële toetrede van Starlink plaaslike selfoonoperateurs kan raak nadat dié operateur aansoek gedoen het om sy besigheid in Namibië te vestig.
Die ministerie het gesê hy hersien steeds Starlink se aansoek en kan dus nie kommentaar lewer nie.
“Die ministerie het ’n aansoek van Starlink ontvang vir vrystelling ingevolge die bepalings van die kommunikasiewet. Weens die proses wat tans aan die gang is, kan die ministerie homself nie uitspreek voordat die proses afgehandel is nie,” het die ministerie in ’n e-pos gereageer.
Die uitvoerende hoof van Telecom Namibia, Stanley Shanapinda, was ewe versigtig om op die kwessie te reageer en het gesê die operateur se kommentaar is aan die ministerie vir hersiening voorgelê.
“Ons bestudeer die potensiële impak en moontlike voordele, en is besig om ons kommentaar aan die ministerie van inligting en kommunikasietegnologie saam te stel en kan ongelukkig nie ons kommentaar in die stadium in die openbaar bekend maak nie,” het Shanapinda gesê.
MTC het op sy beurt nie gereageer op enige vrae wat aan hom gestuur is nie.
VERSOEK
In hul versoek vir vrystelling in Mei vanjaar, het Starlink se internasionale lisensiërings- en aktiveringsbestuurder, Brandi Oliver, gesê Starlink bou die wêreld se eerste werklik globale diensverskaffer met miljoene intekenare oraloor die wêreld.
“As deel hiervan is dit noodsaaklik dat ons dieselfde sakemodel in elke mark handhaaf om die buigsaamheid te verseker om vinnig en in die beste belang van ons kliënte te beweeg.
“In elk van die 108 markte waar ons reeds gelisensieer is, besit Starlink die entiteit wat die lisensies ten volle besit. Die handhawing van 100%-eienaarskap van die entiteit wat lisensies besit, is om verskeie redes van kritieke belang,” het Oliver gesê.
Intussen is Starlink nou beskikbaar in ’n aantal Suider-Afrikaanse lande wat Botswana, Madagaskar, Malawi, Mosambiek, Zimbabwe en Zambië insluit, buiten vir Angola, die Demokratiese Republiek die Kongo, Namibië en Suid-Afrika.
– [email protected]
Die ministerie het gesê hy hersien steeds Starlink se aansoek en kan dus nie kommentaar lewer nie.
“Die ministerie het ’n aansoek van Starlink ontvang vir vrystelling ingevolge die bepalings van die kommunikasiewet. Weens die proses wat tans aan die gang is, kan die ministerie homself nie uitspreek voordat die proses afgehandel is nie,” het die ministerie in ’n e-pos gereageer.
Die uitvoerende hoof van Telecom Namibia, Stanley Shanapinda, was ewe versigtig om op die kwessie te reageer en het gesê die operateur se kommentaar is aan die ministerie vir hersiening voorgelê.
“Ons bestudeer die potensiële impak en moontlike voordele, en is besig om ons kommentaar aan die ministerie van inligting en kommunikasietegnologie saam te stel en kan ongelukkig nie ons kommentaar in die stadium in die openbaar bekend maak nie,” het Shanapinda gesê.
MTC het op sy beurt nie gereageer op enige vrae wat aan hom gestuur is nie.
VERSOEK
In hul versoek vir vrystelling in Mei vanjaar, het Starlink se internasionale lisensiërings- en aktiveringsbestuurder, Brandi Oliver, gesê Starlink bou die wêreld se eerste werklik globale diensverskaffer met miljoene intekenare oraloor die wêreld.
“As deel hiervan is dit noodsaaklik dat ons dieselfde sakemodel in elke mark handhaaf om die buigsaamheid te verseker om vinnig en in die beste belang van ons kliënte te beweeg.
“In elk van die 108 markte waar ons reeds gelisensieer is, besit Starlink die entiteit wat die lisensies ten volle besit. Die handhawing van 100%-eienaarskap van die entiteit wat lisensies besit, is om verskeie redes van kritieke belang,” het Oliver gesê.
Intussen is Starlink nou beskikbaar in ’n aantal Suider-Afrikaanse lande wat Botswana, Madagaskar, Malawi, Mosambiek, Zimbabwe en Zambië insluit, buiten vir Angola, die Demokratiese Republiek die Kongo, Namibië en Suid-Afrika.
– [email protected]
Kommentaar
Republikein
Geen kommentaar is op hierdie artikel gelaat nie