Trap liggies vir TikTok, waarsku MICT
Kommer oor privaatheid, sekuriteit
Die sekuriteitskenners beweer dat die toepassing se privaatheidsbeleid teenstrydig is met die vlak van privaatheid wat gebruikers verwag
Die ministerie van inligting en kommunikasietegnologie (MICT) se woordvoerder het gebruikers van die sosiale media platform, TikTok, gewaarsku om die toepassing se terme en voorwaardes noukeurig na te gaan en te verstaan voor hulle dit aanvaar.
"TikTok se metodes vir die insameling, stoor, gebruik, bestuur en verspreiding van gebruikers se persoonlike inligting het ernstige kommer oor privaatheid en sekuriteit veroorsaak. Die sekuriteitskenners beweer dat die toepassing se privaatheidsbeleid teenstrydig is met die vlak van privaatheid wat gebruikers verwag, en dit stel hulle bloot aan kuberaanvalle," het die ministerie se woordvoerder, Shoki Kandjimi gesê.
Kandjimi het verder gesê daar is geen beleid in plek wat dienste soos TikTok uit Namibië kan hou nie. Ook is hierdie diensverskaffers nie in Namibië geregistreer of gelisensieer nie.
Die digitale kenner Paul Rowney meen alle sosialemediaplatforms moet onder dieselfde kam geskeer word. "Die rede hoekom daar internasionaal geraas gemaak is oor TikTok, is omdat dit deur die Chinese staat besit word. In die Westerse wêreld word die sosialemediaplatforms deur kommersiële maatskappye besit. Hulle is altwee sleg, maar die enigste verskil is hoe die inligting bestuur word," sê hy.
Rowney glo dat Europeese owerhede tans die pas aangee wat privaatheid betref.
"Europa doen dit reg - hulle val nie net vir TikTok aan nie, hulle vat al die spelers aan," het hy gesê. In April vanjaar het die Europese Unie (EU) vasgetrap teen TikTok se beloningstelsel waarmee bestaande gebruikers met geld of koopbewyse beloon is wanneer iemand op hulle verwysing TikTok afgelaai het oor vrese dat dit verslawend kan wees. Die Verenigde Koninkryk het ook ’n verbod op die installering en gebruik van TikTok op 16 Maart op selfone ingestel wat deur die regering aan sy werkers verskaf is.
Rowney verduidelik dat gebruikers van sosiale media met hul privaatheid betaal. "Jy laai die toepassing verniet af, want jy betaal met jou privaatheid wanneer jy jou inligting oorgee," het hy gesê.
- [email protected]
"TikTok se metodes vir die insameling, stoor, gebruik, bestuur en verspreiding van gebruikers se persoonlike inligting het ernstige kommer oor privaatheid en sekuriteit veroorsaak. Die sekuriteitskenners beweer dat die toepassing se privaatheidsbeleid teenstrydig is met die vlak van privaatheid wat gebruikers verwag, en dit stel hulle bloot aan kuberaanvalle," het die ministerie se woordvoerder, Shoki Kandjimi gesê.
Kandjimi het verder gesê daar is geen beleid in plek wat dienste soos TikTok uit Namibië kan hou nie. Ook is hierdie diensverskaffers nie in Namibië geregistreer of gelisensieer nie.
Die digitale kenner Paul Rowney meen alle sosialemediaplatforms moet onder dieselfde kam geskeer word. "Die rede hoekom daar internasionaal geraas gemaak is oor TikTok, is omdat dit deur die Chinese staat besit word. In die Westerse wêreld word die sosialemediaplatforms deur kommersiële maatskappye besit. Hulle is altwee sleg, maar die enigste verskil is hoe die inligting bestuur word," sê hy.
Rowney glo dat Europeese owerhede tans die pas aangee wat privaatheid betref.
"Europa doen dit reg - hulle val nie net vir TikTok aan nie, hulle vat al die spelers aan," het hy gesê. In April vanjaar het die Europese Unie (EU) vasgetrap teen TikTok se beloningstelsel waarmee bestaande gebruikers met geld of koopbewyse beloon is wanneer iemand op hulle verwysing TikTok afgelaai het oor vrese dat dit verslawend kan wees. Die Verenigde Koninkryk het ook ’n verbod op die installering en gebruik van TikTok op 16 Maart op selfone ingestel wat deur die regering aan sy werkers verskaf is.
Rowney verduidelik dat gebruikers van sosiale media met hul privaatheid betaal. "Jy laai die toepassing verniet af, want jy betaal met jou privaatheid wanneer jy jou inligting oorgee," het hy gesê.
- [email protected]
Kommentaar
Republikein
Geen kommentaar is op hierdie artikel gelaat nie