Amerikaanse jagters wil jagtrofees van renosters invoer
Verbod reeds op dié van olifante geplaas
Die twee swartrenosters Lippie (28) en Willem (31) is in Namibië gejag.
Die Verenigde State (VS) Vis- en Wildlewediens het die publiek in kennis gestel en vir kommentaar gevra oor twee aansoeke wat van Amerikaanse jagters in Texas en Florida ontvang is om jagtrofeë van twee swartrenosters uit Namibië na die land in te voer. Die twee swartrenosters - Lippie en Willem, onderskeidelik 28 en 31 jaar oud - is in Namibië gejag.
“Ons nooi die [Amerikaanse] publiek uit om kommentaar te lewer op aansoeke vir sekere aktiwiteite wat verband hou met uitheemse spesies wat as bedreig gelys is in die wet op bedreigde spesies (ESA)," lui ’n verklaring. Die sluitingsdatum vir kommentaar is 24 Oktober.
Verskeie lande wêreldwyd het begin om die invoer van jagtrofees van Suider-Afrikalande, insluitend Namibië, te verbied. Die VS se Vis en Wildlewediens het vroeër vanjaar ’n invoerreël aangekondig oor lewende Afrika-olifante en jagtrofees van olifante. Dit het effektief ’n verbod geplaas op jagtrofees van olifante van sekere lande wat gewilde bestemmings is vir trofeejagters.
JAGFOOIE
Met betrekking tot die invoer van renostertrofees het die internasionale regsdirekteur vir die sentrum vir biologiese diversiteit, Tanya Sanerib, in ’n verklaring gesê dat dit tragies is dat trofeejagters groot geld betaal vir die voorreg om bedreigde diere dood te maak wanneer die fokus daarop moet wees om die spesie te herstel.
"Hierdie betaal-om-te-speel-stelsel maak dat rariteit voortbestaan. Dit pas ryk jagters wat eksotiese diere wil jag, maar nie kritiek bedreigde diere soos Lippie en Willem nie."
Albei die renosters is in 2022 gejag - een by die Erindi Private Wildreservaat en die ander in die Mangetti Nasionale Park. Volgens die aansoeke het die jagters US$250 000 (byna N$4.3 miljoen teen gister se wisselkoers) elk in jagfooie betaal. Die geld is vir teenstropingsaktiwiteite in Namibië gegee, volgens dokumente op die webblad van die Amerikaanse diens.
Die jagters het glo gevra vir permitte om die trofees van Namibië af in te voer "met die doel om die voortplanting of oorlewing van die spesie te verbeter".
Die aansoeke en ondersteunende materiaal is in lyn met wetgewing bekendgemaak, wat vereis dat die Amerikaanse publiek kennisgewing en die geleentheid om kommentaar te lewer ontvang in verband met aansoeke om bedreigde spesies soos swartrenosters in te voer.
Om die permitte uit te reik moet die VS se diens nie net bevind dat die trofeejag nie nadelig is vir die oorlewing van die spesie nie, maar dat dit die spesie se oorlewing help. Die publiek het 30 dae om bewyse in te dien dat dié bevindinge nie gemaak kan word nie. Die laaste permit om ’n jagtrofee van 'n swartrenoster in te voer, is in 2019 in die VSA uitgereik.
Die minister van die omgewing, bosbou en toerisme, het gesê dat die verbod op die invoer van jagtrofees van Suider-Afrikalande, soos deur verskeie Europeese lande voorgestel, bewaring in Namibië tot niet sal maak.
- [email protected]
“Ons nooi die [Amerikaanse] publiek uit om kommentaar te lewer op aansoeke vir sekere aktiwiteite wat verband hou met uitheemse spesies wat as bedreig gelys is in die wet op bedreigde spesies (ESA)," lui ’n verklaring. Die sluitingsdatum vir kommentaar is 24 Oktober.
Verskeie lande wêreldwyd het begin om die invoer van jagtrofees van Suider-Afrikalande, insluitend Namibië, te verbied. Die VS se Vis en Wildlewediens het vroeër vanjaar ’n invoerreël aangekondig oor lewende Afrika-olifante en jagtrofees van olifante. Dit het effektief ’n verbod geplaas op jagtrofees van olifante van sekere lande wat gewilde bestemmings is vir trofeejagters.
JAGFOOIE
Met betrekking tot die invoer van renostertrofees het die internasionale regsdirekteur vir die sentrum vir biologiese diversiteit, Tanya Sanerib, in ’n verklaring gesê dat dit tragies is dat trofeejagters groot geld betaal vir die voorreg om bedreigde diere dood te maak wanneer die fokus daarop moet wees om die spesie te herstel.
"Hierdie betaal-om-te-speel-stelsel maak dat rariteit voortbestaan. Dit pas ryk jagters wat eksotiese diere wil jag, maar nie kritiek bedreigde diere soos Lippie en Willem nie."
Albei die renosters is in 2022 gejag - een by die Erindi Private Wildreservaat en die ander in die Mangetti Nasionale Park. Volgens die aansoeke het die jagters US$250 000 (byna N$4.3 miljoen teen gister se wisselkoers) elk in jagfooie betaal. Die geld is vir teenstropingsaktiwiteite in Namibië gegee, volgens dokumente op die webblad van die Amerikaanse diens.
Die jagters het glo gevra vir permitte om die trofees van Namibië af in te voer "met die doel om die voortplanting of oorlewing van die spesie te verbeter".
Die aansoeke en ondersteunende materiaal is in lyn met wetgewing bekendgemaak, wat vereis dat die Amerikaanse publiek kennisgewing en die geleentheid om kommentaar te lewer ontvang in verband met aansoeke om bedreigde spesies soos swartrenosters in te voer.
Om die permitte uit te reik moet die VS se diens nie net bevind dat die trofeejag nie nadelig is vir die oorlewing van die spesie nie, maar dat dit die spesie se oorlewing help. Die publiek het 30 dae om bewyse in te dien dat dié bevindinge nie gemaak kan word nie. Die laaste permit om ’n jagtrofee van 'n swartrenoster in te voer, is in 2019 in die VSA uitgereik.
Die minister van die omgewing, bosbou en toerisme, het gesê dat die verbod op die invoer van jagtrofees van Suider-Afrikalande, soos deur verskeie Europeese lande voorgestel, bewaring in Namibië tot niet sal maak.
- [email protected]
Kommentaar
Republikein
Geen kommentaar is op hierdie artikel gelaat nie