Granietkop ontvang weer gaste
Tot voordeel van die Doro !Nawas-bewaringsgebied
Die kampterrein se ligging maak dat verskeie besienswaardighede in die omgewing, soos die Verbrande Berg, die Orrelpype en ook Twyfelfontein, maklik bereikbaar is.
Na meer as ’n dekade wat dit gesluit was en vervalle geraak het, is die Granietkop-kampterrein wat aan die Doro !Nawas-bewaringsgebied behoort, weer oop vir die publiek.
Dit danksy ’n finansiële hupstoot van
Ultimate Safaris se Conservation Travel Foundation sowel as die Gemeenskapsbewaringsfonds van Namibië.
Die ooreenkoms om die kampterrein, wat rondom ’n onmiddellik herkenbare granietkop langs die D2612 in die hartjie van Damaraland gebou is, te herontwikkel, is oorspronklik in 2019 onderteken.
Ultimate Safaris het vanjaar die Doro !Nawas-bewaringsgebied genader om Onduli Ridge in die gebied te ontwikkel.
Die planne vir die herontwikkeling van die kampterrein moes weens Covid-19-pandemie eers gestaak word as gevolg van die afname in beskikbare finansiering wat die hele toerismesektor geraak het.
HEROPENING
Môre heropen die Granietkop-kampterrein uiteindelik met ’n heel nuwe baadjie en staan gereed vir besoekers om hier teen die koppie in die stilte van Damaraland te skuil.
Kampeerders moet hul eie kamptoerusting en kos saambring, maar vir elk van die vyf private kampplekke is daar ’n stort, wasbak, spoeltoilet, braaiplek en ’n area waar kos voorberei kan word.
Baie aandag is geskenk om te verseker dat die kampplekke ’n minimale impak op die omgewing het.
Beligting word verskaf deur ’n gesofistikeerde sonkragstelsel, terwyl ’n vaste afvalbestuurstelsel op die perseel is wat verseker dat alle afval hier gesorteer en verwerk word, voor dit na herwinningsdepots in Windhoek vervoer word.
Granietkop se ligging maak dat verskeie besienswaardighede in die omgewing, soos die Verbrande Berg, die Orrelpype en ook Twyfelfontein, maklik bereikbaar is.
Die Ultimate Safaris se Travel Conservation Foundation ondersteun die opleiding van personeel, sowel as die bestuur en besprekings van Granietkop. Besprekings kan aanlyn op die webtuiste www.granietkop.com gedoen word.
Ultimate Safaris se uitvoerende hoof, Tristan Cowley, sê die maatskappy is verheug om weer die kampterrein wat aan die omgewingsbewaringsgebied behoort, op die been te kon bring.
Hy het die hoop uitgespreek dat dit binnekort weer ’n beduidende bydrae tot die lewensbestaan van lede van Doro !Nawas sal lewer.
– [email protected]
Dit danksy ’n finansiële hupstoot van
Ultimate Safaris se Conservation Travel Foundation sowel as die Gemeenskapsbewaringsfonds van Namibië.
Die ooreenkoms om die kampterrein, wat rondom ’n onmiddellik herkenbare granietkop langs die D2612 in die hartjie van Damaraland gebou is, te herontwikkel, is oorspronklik in 2019 onderteken.
Ultimate Safaris het vanjaar die Doro !Nawas-bewaringsgebied genader om Onduli Ridge in die gebied te ontwikkel.
Die planne vir die herontwikkeling van die kampterrein moes weens Covid-19-pandemie eers gestaak word as gevolg van die afname in beskikbare finansiering wat die hele toerismesektor geraak het.
HEROPENING
Môre heropen die Granietkop-kampterrein uiteindelik met ’n heel nuwe baadjie en staan gereed vir besoekers om hier teen die koppie in die stilte van Damaraland te skuil.
Kampeerders moet hul eie kamptoerusting en kos saambring, maar vir elk van die vyf private kampplekke is daar ’n stort, wasbak, spoeltoilet, braaiplek en ’n area waar kos voorberei kan word.
Baie aandag is geskenk om te verseker dat die kampplekke ’n minimale impak op die omgewing het.
Beligting word verskaf deur ’n gesofistikeerde sonkragstelsel, terwyl ’n vaste afvalbestuurstelsel op die perseel is wat verseker dat alle afval hier gesorteer en verwerk word, voor dit na herwinningsdepots in Windhoek vervoer word.
Granietkop se ligging maak dat verskeie besienswaardighede in die omgewing, soos die Verbrande Berg, die Orrelpype en ook Twyfelfontein, maklik bereikbaar is.
Die Ultimate Safaris se Travel Conservation Foundation ondersteun die opleiding van personeel, sowel as die bestuur en besprekings van Granietkop. Besprekings kan aanlyn op die webtuiste www.granietkop.com gedoen word.
Ultimate Safaris se uitvoerende hoof, Tristan Cowley, sê die maatskappy is verheug om weer die kampterrein wat aan die omgewingsbewaringsgebied behoort, op die been te kon bring.
Hy het die hoop uitgespreek dat dit binnekort weer ’n beduidende bydrae tot die lewensbestaan van lede van Doro !Nawas sal lewer.
– [email protected]
Kommentaar
Republikein
Geen kommentaar is op hierdie artikel gelaat nie