Mededingingskommissie gee uitstel aan Ultimate Safaris

Die Namibiese Mededingingskommissie (NaCC) het ? verlengingstydperk aan Ultimate Safaris en drie bewaringsgebiede toegestaan om saam met die ministerie van die omgewing, bosbou en toerisme te werk oor die ondersoek na beweerde teen-mededinging.NaCC ondersoek bewerings dat Ultimate Safaris betrokke is by teen-mededingende praktyke deur eksklusiewe ooreenkomste met bewaringsgebiede, wat verhoed dat ander besighede in daardie gebiede besigheid kan bedryf.Ultimate Safaris, ? Namibiese toerismemaatskappy, het gesamentlike bestuursooreenkomste met verskeie bewaringsgebiede, veral in die Kunenestreek, om die gebied as 'n gekombineerde bewaring- en toerismesone te bestuur. Hierdie ooreenkomste verleen aan Ultimate Safaris eksklusiewe regte om toerisme te bedryf binne die gesamentlike bestuursgebied (JMA) wat deur die bewaringsgebiede bestuur word, met die maatskappy wat dividende aan die bewaringsgebiede betaal.Die woordvoerder van NaCC, Dina ?Gowases, het gesê die kommissie en die toerismeministerie het onder meer ooreengekom om Ultimate Safaris, die bewaringsgebiede van Doro !Nawas, Twyfelfontein en Sorris Sorris (die partye) ? verlengingstydperk van 90 dae toe te staan, ná ? ondersoek vir beweerde teen-mededingende optrede teen die partye.?Gowases het gesê die kommissie en die ministerie sal verdere besprekings hê oor ? moontlike pad vorentoe om 'n wedersydse, voordelige oplossing in hierdie saak te vind.Sy het gesê die besluit volg nadat die kommissie die bewaringsgebiede in Januarie vanjaar aangeraai het om te oorweeg om hul eksklusiewe ooreenkomste te beëindig en om binne 30 dae ná daardie kennisgewing skriftelik te bevestig dat hulle met die eksklusiewe optrede gestaak het.Volgens ?Gowases het die kommissie verder gewaarsku dat sou die partye in die genoemde optrede volhard, die kommissie sy regte voorbehou om sy bevoegdhede uit te oefen soos voorsien in Artikel 33 (1) van die Mededingingswet.Die kommissie het ? ondersoek teen die drie bewaringsgebiede begin na aanleiding van 'n klagte in September 2024.Sy het bevestig die kommissie het volgens hul versoek op 14 Maart vanjaar met die ministerie vergader om die kwessie te bespreek.BEDREIGDE SPESIES"Met erkenning van die belangrike rol van die ministerie om die volhoubaarheid van die omgewing te en die beskerming van wildlewe te verseker, veral van bedreigde spesies, het die kommissie die geleentheid verwelkom om betrokke te raak en gesamentlik ? wedersydse, voordelige pad vorentoe te vind in die hantering van die saak."?Gowases het gesê daar is ná aanvanklike samesprekings met die ministerie ooreengekom dat die ministerie met die betrokke bewaringsgebiede en Ultimate Safaris sal kommunikeer dat die verlenging van 90 dae toegestaan is, hangende verdere konsultasies tussen die kommissie en die ministerie.Sy het gesê die ministerie sal mettertyd 'n verslag aan die kommissie voorlê waarin die geskiedenis en regulasies rondom kommunale bewaringesgebiede in Namibië uiteengesit word.“Ná die voorlegging sal die kommissie en die ministerie konsultasies op tegniese vlak hou om die beste moontlike pad vorentoe te bespreek en uit te werk op grond van beskikbare opsies ten opsigte van die Mededingingswet.”?Gowases het gesê dat die kommissie in die lig van die bevindinge daarna uitsien om die ministerie te betrek en gesamentlik 'n pad vorentoe te bewerkstellig wat die beskerming en volhoubaarheid van Namibië se belangrike natuurlike hulpbronne sal handhaaf, terwyl mededinging in die betrokke sektor verbeter word.Sy het bygevoeg die kommissie se sienings oor die aard van die ooreenkomste bly soos uitgespreek aan die betrokke partye deurdat daardie ooreenkomste mededinging stuit."Indien daar geen konsensus oor ? oplossing van hierdie kwessie is nie, behou die kommissie sy regte voor om die gedrag verder te ondersoek ná die verstryking van die 90 dae."- ellanie@nmh-hub.com.na

Mededingingskommissie gee uitstel aan Ultimate Safaris

Kommentaar

Republikein 2025-04-22

Meld asseblief aan om kommentaar te lewer

Mededingingskommissie gee uitstel aan Ultimate Safaris

Kommentaar

Republikein 2025-04-22

Meld asseblief aan om kommentaar te lewer

MELD AAN

Advertensie