NTB waarsku Airbnb-eienaars

Plaaslike huiseienaars in Namibië wat op Airbnb gelys is, loop die risiko van tronkstraf as hulle nie teen 30 April vanjaar by die Namibië Toerismeraad (NTB) registreer nie.In ’n openbare kennisgewing wat deur NTB uitgereik is, het die raad gewaarsku dat dit onwettig is vir enige individu om oornagverblyf aan betalende gaste te bied sonder om by die NTB geregistreer te wees. NTB het alle individue wat akkommodasie deur platforms soos Airbnb aanbied, versoek om aan wetgewing te voldoen en by NTB te registreer. Indien nie, sal dit glo regstappe tot gevolg hê. Die wet maak voorsiening vir strafregtelike aanklagte wat ’n boete van N$20 000 of tronkstraf van twee jaar tot gevolg kan hê. Dit kan ook lei tot die sluiting van onwettige bedrywighede.Die woordvoerder van NTB, Flora Quest, meen Airbnb is ’n dinamiese platform wat eienaars van eiendom verbind met reisigers wat op soek is na unieke verblyf.“Hoewel ons nie presiese registrasienommers kan verskaf nie, groei Airbnb se gewildheid steeds.”REGISTRASIEQuest het verduidelik dat huiseienaars van Airbnb’s ’n aansoekfooi van N$200 per eenheid moet betaal om by NTB te registreer. “Sodra die inspeksie afgehandel en die besigheid goedgekeur is, sal ’n registrasiefooi van N$50 gehef word,” het sy verduidelik en bygevoeg aansoekvorms kan op die NTB-webblad verkry word.Volgens Quest beplan NTB ’n veldtog om bewustheid oor toeristeveiligheid te verhoog, wettige toerismebedrywighede te bevorder en NTB se mandaat te versterk.“Die onlangse toename in ongeregistreerde verskaffers van akkommodasie, pendeloperateurs en ander toerismeverwante besighede is ’n wesenlike bekommernis, nie net vir die veiligheid en gehalte van toerismedienste nie, maar ook vir die algehele integriteit van Namibië se toerismesektor.”Quest beklemtoon verder dat NTB daartoe verbind is om te verseker dat alle toerisme-ondernemings aan die wetlike vereistes van die land voldoen.Sy het gesê NTB sal ’n ferm standpunt inneem om te verseker dat Namibië se toerismebedryf veilig, deursigtig en mededingend bly. “Ons doen ’n beroep op alle operateurs om stiptelik te registreer en die wet te volg, aangesien NTB geen afwyking van hierdie regulasies sal duld nie. “Nakoming is nie opsioneel nie, en ons sal alle nodige stappe doen om die bedryf, toeriste en die ekonomie van Namibië te beskerm.”In Namibië is daar meer as 1 000 instansies op die Airbnb-webwerf gelys. – republikein@republikein.com.na

NTB waarsku Airbnb-eienaars

Kommentaar

Republikein 2025-04-17

Meld asseblief aan om kommentaar te lewer

NTB waarsku Airbnb-eienaars

Kommentaar

Republikein 2025-04-17

Meld asseblief aan om kommentaar te lewer

MELD AAN

Advertensie