Tekort aan gehuurde voertuie briek toerisme

Terwyl besettingsyfers by toerisme-ondernemings ‘n bestendige toename toon, is ‘n tekort aan gehuurde voertuie vir die groeiende selfry-mark ‘n nuwe bekommernis vir dié bedryf.Volgens die uitvoerende hoof van die Gasvryheidsvereniging van Namibië (HAN), me. Gitta Paetzold, het Namibiese maatskappye wat motors verhuur tans ‘n vloot van net meer as ‘n kwart van wat hulle in 2019 gehad het. Dit nadat hulle noodgedwonge die afgelope twee jaar ‘n groot deel van hul vloot moes verkoop weens die impak van die pandemie.“Die pandemie en onlangse vloede in KwaZulu-Natal in Suid-Afrika – wat groot skade aan die Toyota-aanleg veroorsaak het – het voertuigproduksie in Suider-Afrika erg vertraag weens onderbrekings in aanvoerkettings, met laasgenoemde wat die problem net vererger het.”Paetzold het gesê dit is dus goeie nuus dat die plaaslike redery FlyNamibia sy nasionale safari-roete, wat gaste na sleutel-toerismebesienswaardighede soos Sossusvlei, Swakopmund en Etosha sal neem, bekend gestel het.“Dit kan die druk op die behoefte aan gehuurde voertuie verlig, en gegewe die stygende brandstofpryse, kan dit ook ‘n bekostigbare en veilige opsie vir reisigers binne ons land word.”INTERESSANTE VERGELYKINGSDie jongste statistieke toon dat toerismebesettingsyfers vir die eerste kwartaal van dié jaar op 22,67% staan, byna 3% hoër as dieselfde tyd verlede jaar.In die eerste kwartaal van 2021 het toerismebesettingsyfers op 19,5% gestaan, vergeleke met 33% in 2020.Paetzold het gesê in vergelyking met die tydperk voor Covid, toe die besettingskoers 40,48% was, beteken dit “ons het ten minste die 50%-kerf van herstel vanjaar oorskry”.Sy het bygevoeg interessante vergelykings kan ook getref word wanneer daar na die bronmarkte van besoekers aan toerisme-ondernemings gekyk word.Volgens haar het sowat 33% van die besoekers in die eerste kwartaal van 2022 uit die groter dele van Europa gekom – waarvan 23% van die kernmarkte Duitsland, Switserland en Oostenryk was, vergeleke met 20% van die Europese besoekers in 2021 – toe byna 14% van dié drie kernmarkte was. – republikein@republikein.com.na

Tekort aan gehuurde voertuie briek toerisme

Kommentaar

Republikein 2025-04-15

Meld asseblief aan om kommentaar te lewer

Tekort aan gehuurde voertuie briek toerisme

Kommentaar

Republikein 2025-04-15

Meld asseblief aan om kommentaar te lewer

MELD AAN

Advertensie