Visrivier-canyon het genoeg water vir stappers

Die ministerie van omgewing, bosbou en toerisme en Namibia Wildlife Resorts (NWR) het bevestig dat daar genoeg water in die Visrivier-canyon is vir die komende stapseisoen.

Die stapseisoen van die gewilde staproete skop op 1 Mei af.

Om die veiligheid en welstand van alle stappers te verseker, sal waterbeamptes op strategiese punte langs die staproetes gestasioneer word, insluitend by King Palace en Bushy Corner.

NWR sal ook volgende week ‘n verantwoordelike stap-veldtog op hul sosialemediaplatforms van stapel stuur.