Eerste ooit Etosha karnaval beplan

Die toerismeministerie gaan in samewerking met die Ondonga Tradisionele Owerheid, die Namibiese Toerismeraad en ander belanghebbendes in Junie volgende jaar die eerste Etosha-karnaval ooit by een van die soutpanne in die park hou.

Die geleentheid het ten doel om toerisme-produkaanbiedings en nuwe markte te diversifiseer om meer plaaslike reisigers te lok asook internasionale reisigers en streeksverspreiding te verbeter.

Hiervoor word 'n reeks gala-etes beplan om geld vir die karnaval in te samel, waarvan die eerste op 28 Oktober in Ondangwa plaasvind.

Kaartjies kos N$20 000 vir ’n platinum per tafel, N$15 000 vir 'n goue tafel en N$500 vir ’n individuele kaartjie. Besprekings kan gemaak word via https://www.etosha.com.