Lufthansa-staking laat Namibiërs gestrand in Addis
Op pad na jagskou in Salzburg
Die Duitse lugredery se tweede staking in Februarie raak ook passasiers na en van Namibië.
Namibiërs sit van Maandag af gestrand op die Bole Addis Abeba-lughawe in Ethiopië weens die Lufthansa-staking in Duitsland.
Eienaars van twee Namibiese jagmaatskappye Heinrich Joubert van Sable Hill Safaris en Corrine van Wyk van Beenbreck Hunting Adventures sou Sondagaand met Lufthansa se Eurowings Discover Airlines vanaf Windhoek se Hosea Kutako Internasionale Lughawe direk na Frankfurt in Duitsland vlieg.
Joubert en Van Wyk sou dan vanaf Frankfurt ‘n aansluitingsvlug na Salzburg, Oostenryk, haal waar hulle die Hohe Jagd & Fischerei-skou sal bywoon.
“Ons is van die Lufthansa-vlug afgehaal en het Maandagoggend via Johannesburg met ‘n Ethiopian Airlines-vlug na Addis Abeba gevlieg. Daarvandaan sou ons na Londen vlieg, maar ons het nie visums vir die Verenigde Koninkryk nie,” het Van Wyk telefonies vanuit Addis Abeba aan Republikein gesê.
"Ons paspoorte is afgeneem en ons moes op die lughawe slaap. Lufthansa het geweier om ons te vergoed en ons moes nuwe vliegkaartjies teen N$8 100 elk koop.”
Hulle sou vanoggend om 01:00 met Ethiopian Airlines na Wene in Oostenryk vlieg en vandaar ‘n trein na Salzburg neem waar hulle na verwagting eers vanmiddag sal aankom.
Boonop moet hulle nog hul stalletjies vir die jagskou begin bou wat môre begin en tot Sondag duur.
Grondpersoneel by die Duitse lugredery Lufthansa het gister by groot lughawens met hul tweede staking vandeesmaand begin.
Die eerste vlugte van Lufthansa is Maandagaand gekanselleer.
Die president van die Namibiese Professionele Jagtersvereniging, Axel Cramer, het aan Republikein gesê hy sou gisteraand met Eurowings Discover na Frankfurt vlieg, maar omdat die personeel vir gronddienste staak, kan hy nie na München vlieg nie.
"Ek moet vanaf Frankfurt per trein na München reis, waarna ek met 'n voertuig na Salzburg sal ry. Die Lufthansa-stakings is ‘n groot bekommernis," het hy gesê.
Meer as 100 000 passasiers sal deur die staking geraak word, wat volgens die lugredery tot vandag sal duur.
Lufthansa het gesê hy kan net 10% tot 20% van die geskeduleerde vlugte by die betrokke lughawens bedryf en wat dié van Frankfurt, München, Hamburg, Berlyn, Düsseldorf, Keulen en Stuttgart insluit.
’n Soortgelyke staking van die Duitse lugredery het die kansellasie van 900 uit 1 000 beplande vlugte aan die begin van Februarie veroorsaak en wat sowat 100 000 passasiers geraak het.
Toe was verteenwoordigers van die Namibiese jagsektor wat die grootste jagskou in Amerika van Safari Conference International (SCI) in Nashville, Tennesee, asook die Jagd & Hund-jagskou in Dortmund in Duitsland bygewoon het, gestrand op die Frankfurt-lughawe voordat hulle na Windhoek kon terugvlieg.
Op Eurowings Discover se webtuiste is ‘n kennisgewing aan passasiers dat al hul vlugte na verwagting vanaf gister weer soos geskeduleer sou funksioneer.
“Ons beveel egter aan dat jy jou huidige vlugstatus gereeld nagaan, aangesien aansluitingsvlugte van ander lugrederye na en vanaf Frankfurt deur die staking geraak kan word,” lui die kennisgewing.
LUGREIS BEREIK TOPPUNT IN 2023
In 2023 het die algehele aantal passasiers wat op internasionale, streeks- en binnelandse vlugte in Namibië geland en vertrek het, sy toppunt sedert 2019 bereik.
Dit is volgens Simonis Storm se Gasvryheidsverslag vir Januarie. Die totale aantal passasiers wat in Namibië aangekom het, was 514 533, terwyl die totale aantal vertrekke 499 398 passasiers was. Die meerderheid van hierdie passasiersverkeer is by Hosea Kutako Internasionale Lughawe (HKIA) aangeteken, gevolg deur die lughawens van Walvisbaai en Eros. – [email protected]
Eienaars van twee Namibiese jagmaatskappye Heinrich Joubert van Sable Hill Safaris en Corrine van Wyk van Beenbreck Hunting Adventures sou Sondagaand met Lufthansa se Eurowings Discover Airlines vanaf Windhoek se Hosea Kutako Internasionale Lughawe direk na Frankfurt in Duitsland vlieg.
Joubert en Van Wyk sou dan vanaf Frankfurt ‘n aansluitingsvlug na Salzburg, Oostenryk, haal waar hulle die Hohe Jagd & Fischerei-skou sal bywoon.
“Ons is van die Lufthansa-vlug afgehaal en het Maandagoggend via Johannesburg met ‘n Ethiopian Airlines-vlug na Addis Abeba gevlieg. Daarvandaan sou ons na Londen vlieg, maar ons het nie visums vir die Verenigde Koninkryk nie,” het Van Wyk telefonies vanuit Addis Abeba aan Republikein gesê.
"Ons paspoorte is afgeneem en ons moes op die lughawe slaap. Lufthansa het geweier om ons te vergoed en ons moes nuwe vliegkaartjies teen N$8 100 elk koop.”
Hulle sou vanoggend om 01:00 met Ethiopian Airlines na Wene in Oostenryk vlieg en vandaar ‘n trein na Salzburg neem waar hulle na verwagting eers vanmiddag sal aankom.
Boonop moet hulle nog hul stalletjies vir die jagskou begin bou wat môre begin en tot Sondag duur.
Grondpersoneel by die Duitse lugredery Lufthansa het gister by groot lughawens met hul tweede staking vandeesmaand begin.
Die eerste vlugte van Lufthansa is Maandagaand gekanselleer.
Die president van die Namibiese Professionele Jagtersvereniging, Axel Cramer, het aan Republikein gesê hy sou gisteraand met Eurowings Discover na Frankfurt vlieg, maar omdat die personeel vir gronddienste staak, kan hy nie na München vlieg nie.
"Ek moet vanaf Frankfurt per trein na München reis, waarna ek met 'n voertuig na Salzburg sal ry. Die Lufthansa-stakings is ‘n groot bekommernis," het hy gesê.
Meer as 100 000 passasiers sal deur die staking geraak word, wat volgens die lugredery tot vandag sal duur.
Lufthansa het gesê hy kan net 10% tot 20% van die geskeduleerde vlugte by die betrokke lughawens bedryf en wat dié van Frankfurt, München, Hamburg, Berlyn, Düsseldorf, Keulen en Stuttgart insluit.
’n Soortgelyke staking van die Duitse lugredery het die kansellasie van 900 uit 1 000 beplande vlugte aan die begin van Februarie veroorsaak en wat sowat 100 000 passasiers geraak het.
Toe was verteenwoordigers van die Namibiese jagsektor wat die grootste jagskou in Amerika van Safari Conference International (SCI) in Nashville, Tennesee, asook die Jagd & Hund-jagskou in Dortmund in Duitsland bygewoon het, gestrand op die Frankfurt-lughawe voordat hulle na Windhoek kon terugvlieg.
Op Eurowings Discover se webtuiste is ‘n kennisgewing aan passasiers dat al hul vlugte na verwagting vanaf gister weer soos geskeduleer sou funksioneer.
“Ons beveel egter aan dat jy jou huidige vlugstatus gereeld nagaan, aangesien aansluitingsvlugte van ander lugrederye na en vanaf Frankfurt deur die staking geraak kan word,” lui die kennisgewing.
LUGREIS BEREIK TOPPUNT IN 2023
In 2023 het die algehele aantal passasiers wat op internasionale, streeks- en binnelandse vlugte in Namibië geland en vertrek het, sy toppunt sedert 2019 bereik.
Dit is volgens Simonis Storm se Gasvryheidsverslag vir Januarie. Die totale aantal passasiers wat in Namibië aangekom het, was 514 533, terwyl die totale aantal vertrekke 499 398 passasiers was. Die meerderheid van hierdie passasiersverkeer is by Hosea Kutako Internasionale Lughawe (HKIA) aangeteken, gevolg deur die lughawens van Walvisbaai en Eros. – [email protected]
Kommentaar
Republikein
Geen kommentaar is op hierdie artikel gelaat nie