Lugvaartveiligheid onder oë geneem
Bedryf kom byeen
Namibië se toesigstelsels is opgegradeer en lugnavigasiegeriewe is opgeknap, het die uitvoerende direkteur van werke en vervoer gesê.
“Hierdie geleentheid weerspieël ’n gesamentlike verbintenis tot die veiligheid, sekuriteit en voortdurende verbetering van lugvaartstandaarde in Namibië.”
Só het die uitvoerende direkteur van werke en vervoer, Ester Kaapanda, verlede week by die opening van die Namibiese Lugvaartveiligheid- en Sekuriteitsberaad gesê.
Die beraad het by die Namibië Instituut vir Openbare Administrasie en Bestuur (Nipam) plaasgevind en is deur die Namibiese Burgerlugvaartowerheid (NCAA) gereël.
Volgens haar is Namibië se toesigstelsels opgegradeer en lugnavigasiegeriewe, insluitend die Internasionale Lughawe Hosea Kutako se beheertoring en die beheertoring by die Eros-lughawe, is opgeknap.
In September het Namibië gasheer gespeel vir die streekwye informele werkgroep vir Suider-Afrika oor gevorderde passasiersinligting en rekordhouding van name.
Namibië het nou die voorsitterskap van die groep aanvaar. Met die universele oorsigouditprogram vir veiligheid in Maart het die land 72,3% bereik, brei sy uit.
Volgens die NCAA se hoofbestuurder vir veiligheid, Ericsson Nengola, is die tema om Namibië se lugvaart op te skerp deur ’n toekoms op veiligheid en sekuriteit te bou, gepas.
“Sonder hierdie fokus op veiligheid en sekuriteit kan ons die onderliggende bedreiging uit die oog verloor waarop ons gedagtes te alle tye gefokus moet bly, waar ons ook al bedrywig is,” sê Nengola.
Die drie dag lange beraad het voorleggings deur kundiges soos Scenic Air se JC de Klerk en die Nasionale Lugruimtekomitee se Sarafina Maxwanu aangebied, asook Monica Bonfanti wat haar voorlegging virtueel vanuit Europa namens CORSIA gelewer het.
Theoline Kauraisa, ’n NCAA-inspekteur, het uitgebrei oor voorvalrapportering, Wendy Muller, John Anghuwo en Matt Totten, die hoofbeampte vir AOPA, het die tweede dag begin, voordat Vicki Mombola oor veiligheidsrisiko-assessering uitgebrei het.
Donderdag het afgeskop met ’n praatjie oor die toekoms van lugvaartveiligheid en sekuriteit wat deur Jeremia Kamati aangebied is.
Die senior bestuurder vir die bevordering van veiligheid en gehalte by die NCAA, George Matroos, het gesê dat verskeie aspekte wat verband hou met lugvaartveiligheid en -sekuriteit getakel is, insluitend regulasies, veiligheidsbestuurstelsels en die voorkoming van sekuriteitsbedreigings.
“Ná die beraad sal ons die besprekings hersien en kyk na kwessies wat beklemtoon is om te takel, om ons burgerlugvaartstelsel vir die toekoms te verbeter,” het hy gesê. – [email protected]
Só het die uitvoerende direkteur van werke en vervoer, Ester Kaapanda, verlede week by die opening van die Namibiese Lugvaartveiligheid- en Sekuriteitsberaad gesê.
Die beraad het by die Namibië Instituut vir Openbare Administrasie en Bestuur (Nipam) plaasgevind en is deur die Namibiese Burgerlugvaartowerheid (NCAA) gereël.
Volgens haar is Namibië se toesigstelsels opgegradeer en lugnavigasiegeriewe, insluitend die Internasionale Lughawe Hosea Kutako se beheertoring en die beheertoring by die Eros-lughawe, is opgeknap.
In September het Namibië gasheer gespeel vir die streekwye informele werkgroep vir Suider-Afrika oor gevorderde passasiersinligting en rekordhouding van name.
Namibië het nou die voorsitterskap van die groep aanvaar. Met die universele oorsigouditprogram vir veiligheid in Maart het die land 72,3% bereik, brei sy uit.
Volgens die NCAA se hoofbestuurder vir veiligheid, Ericsson Nengola, is die tema om Namibië se lugvaart op te skerp deur ’n toekoms op veiligheid en sekuriteit te bou, gepas.
“Sonder hierdie fokus op veiligheid en sekuriteit kan ons die onderliggende bedreiging uit die oog verloor waarop ons gedagtes te alle tye gefokus moet bly, waar ons ook al bedrywig is,” sê Nengola.
Die drie dag lange beraad het voorleggings deur kundiges soos Scenic Air se JC de Klerk en die Nasionale Lugruimtekomitee se Sarafina Maxwanu aangebied, asook Monica Bonfanti wat haar voorlegging virtueel vanuit Europa namens CORSIA gelewer het.
Theoline Kauraisa, ’n NCAA-inspekteur, het uitgebrei oor voorvalrapportering, Wendy Muller, John Anghuwo en Matt Totten, die hoofbeampte vir AOPA, het die tweede dag begin, voordat Vicki Mombola oor veiligheidsrisiko-assessering uitgebrei het.
Donderdag het afgeskop met ’n praatjie oor die toekoms van lugvaartveiligheid en sekuriteit wat deur Jeremia Kamati aangebied is.
Die senior bestuurder vir die bevordering van veiligheid en gehalte by die NCAA, George Matroos, het gesê dat verskeie aspekte wat verband hou met lugvaartveiligheid en -sekuriteit getakel is, insluitend regulasies, veiligheidsbestuurstelsels en die voorkoming van sekuriteitsbedreigings.
“Ná die beraad sal ons die besprekings hersien en kyk na kwessies wat beklemtoon is om te takel, om ons burgerlugvaartstelsel vir die toekoms te verbeter,” het hy gesê. – [email protected]
Kommentaar
Republikein
Geen kommentaar is op hierdie artikel gelaat nie