Mutorwa eis antwoorde vir vliegveld-dilemma
Bedryf moes teen gister aanbevelings maak
Die vervoerminister wil weet hoe die lugvaartbedryf meen die nuwe regulasies vir vliegvelde prakties geïmplementeer kan word.
Die minister van werke en vervoer, mnr. John Mutorwa, soek dringend voorstelle van die lugvaartbedryf oor die pad vorentoe vir die implementering van die omstrede nuwe konsepregulasies vir vliegvelde en landingstroke in die land.
Hy het Maandag in ’n skrywe aan sleutelspelers in die bedryf gesê hy wil binne 24 uur die onderskeie belanghebbendes se standpunt oor dié nuwe regulasies op skrif hê.
Hy wil ook hê die voorsitters van die Namibië Burgerlugvaartowerheid (NCAA) en die Namibië Lughawensmaatskappy (NCA), mnr. Bethuel Mujetenga en dr. Leake Hangala, asook die president van die Vliegtuigeienaars- en Vlieëniersvereniging (AOPA), mnr. Riaan Burger, moet hul onderskeie standpunte uitspel en praktiese aanbeveling maak oor hoe die nuwe reëls geïmplementeer kan word.
Die beplande implementering hiervan op 1 Oktober was verlede week Windhoek opnuut in die spervuur toe belanghebbendes vergader het om die “verreikende negatiewe gevolge vir die lugvaartbedryf asook vir toerisme en gesondheidsorg in afgeleë gebiede”, met die reguleerder te bespreek
AOPA het saam met instansies in die toerisme- en jagbedryf met die NCAA daaroor vergader om wat hulle as ‘n “moontlike katastrofe” beskryf, af te weer.
“Die regulasies is onprakties in hul huidige vorm en sal verreikende negatiewe gevolge vir die lugvaartbedryf sowel as sleutel- ekonomiese aktiwiteite soos toerisme en gesondheidsdienslewering in afgeleë gebiede inhou,” het AOPA na afloop van die vergadering in ’n verklaring gesê.
Dié vereniging sê dit gaan bestaande, goed funksionerende regulasies vervang en lugvaart na afgeleë gebiede onmoontlik en buitensporig duur maak.
“Verder sal pogings om die ongeveer 860 vliegvelde en aanloopbane in Namibië te lisensieer en in ooreenstemming met die nuwe regulasies in stand te hou, vir die eienaars en belastingbetalers honderde miljoene dollars kos,” sê AOPA en voeg by dit is “’n byna onmoontlike taak vir Namibië of enige land wat lugvaart oor so ‘n groot, afgeleë gebied bedryf”.
– [email protected]
Hy het Maandag in ’n skrywe aan sleutelspelers in die bedryf gesê hy wil binne 24 uur die onderskeie belanghebbendes se standpunt oor dié nuwe regulasies op skrif hê.
Hy wil ook hê die voorsitters van die Namibië Burgerlugvaartowerheid (NCAA) en die Namibië Lughawensmaatskappy (NCA), mnr. Bethuel Mujetenga en dr. Leake Hangala, asook die president van die Vliegtuigeienaars- en Vlieëniersvereniging (AOPA), mnr. Riaan Burger, moet hul onderskeie standpunte uitspel en praktiese aanbeveling maak oor hoe die nuwe reëls geïmplementeer kan word.
Die beplande implementering hiervan op 1 Oktober was verlede week Windhoek opnuut in die spervuur toe belanghebbendes vergader het om die “verreikende negatiewe gevolge vir die lugvaartbedryf asook vir toerisme en gesondheidsorg in afgeleë gebiede”, met die reguleerder te bespreek
AOPA het saam met instansies in die toerisme- en jagbedryf met die NCAA daaroor vergader om wat hulle as ‘n “moontlike katastrofe” beskryf, af te weer.
“Die regulasies is onprakties in hul huidige vorm en sal verreikende negatiewe gevolge vir die lugvaartbedryf sowel as sleutel- ekonomiese aktiwiteite soos toerisme en gesondheidsdienslewering in afgeleë gebiede inhou,” het AOPA na afloop van die vergadering in ’n verklaring gesê.
Dié vereniging sê dit gaan bestaande, goed funksionerende regulasies vervang en lugvaart na afgeleë gebiede onmoontlik en buitensporig duur maak.
“Verder sal pogings om die ongeveer 860 vliegvelde en aanloopbane in Namibië te lisensieer en in ooreenstemming met die nuwe regulasies in stand te hou, vir die eienaars en belastingbetalers honderde miljoene dollars kos,” sê AOPA en voeg by dit is “’n byna onmoontlike taak vir Namibië of enige land wat lugvaart oor so ‘n groot, afgeleë gebied bedryf”.
– [email protected]
Kommentaar
Republikein
Geen kommentaar is op hierdie artikel gelaat nie