NaTIS bring dienste nader aan mense

Die Paaieowerheid (RA) het die opening van ’n NaTIS-sentrum by die Metro Hyper in Kleine Kuppe in Windhoek aangekondig. Die volgende dienste sal by dié sentrum gelewer word: Voertuiglisensie hernuwing, deregistrasie van voertuie, kennisgewing van verkoop, verandering van besonderhede, voertuigregistrasie (slegs gebruikte plaaslike motors) en alle NaTIS-verwante navrae. Die sentrum sal weeksdae vanaf 09:00 tot 14:00 en weer vanaf 15:00 tot 18:00 oop wees. Op Saterdae sal dit vanaf 09:00 tot 15:00 oop wees. Volgens ’n verklaring van RA, sal geen besprekings of toetse vir leerlinglisensies hier plaasvind nie. Geen kontantbetalings sal aanvaar word nie en daar kan slegs met debiet- en/of kredietkaarte betaal word. Foto Facebook/Roads Authority