Voertuigmassa-wet ontlok kritiek

Jemima Beukes - ’n Wetsontwerp op voertuigmassa wat verlede week in die parlement ter tafel gelê is, het kritiek van opposisiepartye ontlok omdat dit padgebruikers straf eerder as om padgebruik te reguleer.Die leier van die Landless People’s Movement (LPM), Bernadus Swartbooi, het gesê die wetsontwerp poog om vragmotorbestuurders in te perk en mense uit besigheid te druk.Hy het ook kommer uitgespreek dat die wetsontwerp buitensporige diskresionêre mag aan die minister en die Paaieowerheid (RA) verleen, wat die parlement se toesighoudende mag ondermyn.“Julle sal sekere verskaffers in die vervoersektor uitstoot, en hulle sal daardie diens aan minder en ryker operateurs oorgee. Hierdie wetsontwerp maak toegang tot die vervoersektor onmoontlik,” het hy aangevoer.“Dit gee mense geen asemhaalruimte nie. Aan die een kant is jy besig om te dekriminaliseer, en aan die ander kant is dit ’n straf. Los dit iets op? Nee, dit skep ’n diskriminerende uitdaging in die sektor,” het Swartbooi gewaarsku.AANSPREEKLIKHEID John Mutorwa, die minister van werke en vervoer, het aangevoer die nuwe wetgewing het ten doel om die logistieke ketting aanspreeklik te hou vir oorlading en om te verseker hulle dok op vir padskade as gevolg van vragte wat te swaar is.“Die sukseskoers van vervolging van verkeersoortredings – insluitend misdrywe in verband met voertuie wat oorlaai is – in die land se howe is baie laag. Die verwagting is dat as die proses uit die hofstelsel verwyder en administratief hanteer kan word, sal die sukseskoers verhoog word.”Hy het ook daarop gewys dat die nuwe wetgewing nou ook die versender, die vervoeroperateur en die individue wat die goedere ontvang, aanspreeklik sal hou, nie net die bestuurder nie, wat tot op hede die verantwoordelikheid alleen gedra het.Die minister van arbeid, werkskepping en nywerheidsbetrekkinge, Utoni Nujoma, het gesê hy kan nie sien hoe ’n boer wat een keer per jaar vee na ’n veiling neem, paaie kan beskadig nie.“Kom ons fokus op die groot vragmotors, dié wat koper van Zambië af vervoer. Jy kan sien hierdie is swaar. Hierdie ding sal ons klein besighede en boere skade berokken omdat hulle nie buitensporige skade aanrig nie. Openbare bewusmaking is ook belangrik, maar die slotsom is dat daardie vragmotors wat nie skade aan die paaie aanrig nie, nie gestraf moet word nie,” het hy gesê.Mutorwa het die behoefte aan deeglike bespreking en debat oor die wetsontwerp beklemtoon, en wetgewers versoek om insette te lewer om die impak en doeltreffendheid daarvan te verbeter.Die bespreking is tot vandeesweek uitgestel.– republikein@republikein.com.na

Voertuigmassa-wet ontlok kritiek

Kommentaar

Republikein 2025-04-02

Meld asseblief aan om kommentaar te lewer

Voertuigmassa-wet ontlok kritiek

Kommentaar

Republikein 2025-04-02

Meld asseblief aan om kommentaar te lewer

MELD AAN

Advertensie