IPPR gee stem vir Fishrot-slagoffers
‘Verwoestende impak van korrupsie’
Die IPPR versoek 'n verskoning en vergoeding van die Yslandse maatskappy, Samherji, vir hulle betrokkenheid by die Fishrot-korrupsieskandaal.
Frieda Molotho en Kristien Kruger – “Hierdie saak het gelei tot wantroue, ekonomiese onstabiliteit, negatiewe sosiale gevolge en selfs die dood.”
So het die Walvisbaai se burgemeester, Trevino Forbes, Donderdag gesê oor die impak van die Fishrot-korrupsieskandaal op die visbedryf.
Hy het die noodsaaklikheid beklemtoon om korrupsie binne dié bedryf te bekamp om regverdigheid, deursigtigheid en volhoubare groei te verseker.
Dit volg nadat die Instituut vir Openbare Beleidsnavorsing (IPPR) Donderdag ’n verslag uitgereik het getiteld “IPPR vra vir die vergoeding van slagoffers van die Fishrot-skandaal”.
“In die verslag gee 13 plaaslike viswerkers ’n menslike stem aan die verwoestende impak van korrupsie deur te praat oor hul stryd om nuwe werk te verseker, basiese lewenstandaarde te handhaaf en sinvol aan maatskaplike aktiwiteite deel te neem,” lui die verslag.
Die verslag verwys na een plaaslike maatskappy, Namsov Fishing Enterprises, wat sedert 2014 óf geen kwotas óf aansienlik verminderde kwotas ontvang het nie. Gevolglik het sowat 1 000 van die maatskappy se werknemers hul werk verloor.
WERKNEMER PRAAT UIT
Reagan Mukande het namens voormalige werknemers van die Arcticinam gepraat en kwessies soos swak werksomstandighede en mishandeling deur werkgewers uitgelig.
Mukande het gepraat oor voorvalle van diskriminasie en onbillike behandeling, insluitend teenstrydighede in salarisse op grond van ras en nasionaliteit.
“Die werknemers is op grond van ras en hul land van herkoms behandel. Die Europese werkers het buitengewone hoë salarisse ontvang in vergelyking met die inheemse Namibiërs.”
Die sluiting van Arcticinam in 2019 het talle werknemers sonder voordele gelaat, wat hul finansiële stryd vererger het.
Mukande en ander voormalige werknemers eis nou vergoeding vir die verlies aan inkomste, emosionele skade en eiendomsverliese wat gely is as gevolg van voortydige kontrakbeëindiging en werkverlies.
Vissermanne van Saga en Geysir het die verwoestende impak van die Fishrot-skandaal op hul lewensbestaan uitgespreek, met baie wat nie hul gesinne kan onderhou of onderrig vir hul kinders kan bekostig nie.
“Ons kinders moes die skool verlaat omdat ons nie hul onderrig kan bekostig nie,” het een van die vissermanne gesê.
Hulle het ’n beroep op die Yslandse regering en Samherji Saga Seafood gedoen vir finansiële bystand om hul swaarkry te verlig.
IPPR STEL EISE
In die verslag eis die IPPR dat die Yslandse maatskappy, Samherji, amptelik moet erken en om verskoning vra vir sy rol in die korrupsieskandaal wat soveel mense, gemeenskappe en die Namibiese gemeenskap in die algemeen benadeel het.
Verder eis die IPPR dat Samherji volle skadevergoeding aan individue en gemeenskappe bied, wie se lewens ontwrig en verwoes is as gevolg van Fishrot.
“Die IPPR versoek dat ’n onafhanklike Namibiese stigting op die been gebring word wat moet bestaan uit lede van die Namibiese regering, die burgerlike samelewing, relevante vissery-handelsliggame en vissermanne.”
“Hierdie liggaam moet onafhanklik wees en bemagtig word om deursigtige en blywende hulp aan die slagoffers van korrupsie te verskaf,” lui die IPPR-verslag.
Volgens die IPPR beoog hulle om op die verslag voort te bou deur die volle impak van die Fishrot-skandaal op menseregte te bepaal en beplan om ’n studie van stapel te stuur om die ekonomiese skade in meer besonderhede te ondersoek wat deur die Fishrot-skandaal veroorsaak is.
IMPAK VAN KORRUPSIE
Die IPPR se verslag is saamgestel in samewerking met die Britse hoëkommissariaat en Brittanje se hoë kommissaris in Namibië, Charles Moore, het gesê hoewel korrupsie dikwels uitgelig word, word die impak en uitwerking van korrupsie op ’n land se reputasie en ekonomie misgekyk.
Hy het ook beklemtoon dat die impak op individue se lewens selfs verder strek as die eknomiese gevolge van korrupsie.
“Die Fishrot-skandaal het die lewens van individue diep en onomkeerbaar geraak en dit was ver buite hul beheer.”
– [email protected]
So het die Walvisbaai se burgemeester, Trevino Forbes, Donderdag gesê oor die impak van die Fishrot-korrupsieskandaal op die visbedryf.
Hy het die noodsaaklikheid beklemtoon om korrupsie binne dié bedryf te bekamp om regverdigheid, deursigtigheid en volhoubare groei te verseker.
Dit volg nadat die Instituut vir Openbare Beleidsnavorsing (IPPR) Donderdag ’n verslag uitgereik het getiteld “IPPR vra vir die vergoeding van slagoffers van die Fishrot-skandaal”.
“In die verslag gee 13 plaaslike viswerkers ’n menslike stem aan die verwoestende impak van korrupsie deur te praat oor hul stryd om nuwe werk te verseker, basiese lewenstandaarde te handhaaf en sinvol aan maatskaplike aktiwiteite deel te neem,” lui die verslag.
Die verslag verwys na een plaaslike maatskappy, Namsov Fishing Enterprises, wat sedert 2014 óf geen kwotas óf aansienlik verminderde kwotas ontvang het nie. Gevolglik het sowat 1 000 van die maatskappy se werknemers hul werk verloor.
WERKNEMER PRAAT UIT
Reagan Mukande het namens voormalige werknemers van die Arcticinam gepraat en kwessies soos swak werksomstandighede en mishandeling deur werkgewers uitgelig.
Mukande het gepraat oor voorvalle van diskriminasie en onbillike behandeling, insluitend teenstrydighede in salarisse op grond van ras en nasionaliteit.
“Die werknemers is op grond van ras en hul land van herkoms behandel. Die Europese werkers het buitengewone hoë salarisse ontvang in vergelyking met die inheemse Namibiërs.”
Die sluiting van Arcticinam in 2019 het talle werknemers sonder voordele gelaat, wat hul finansiële stryd vererger het.
Mukande en ander voormalige werknemers eis nou vergoeding vir die verlies aan inkomste, emosionele skade en eiendomsverliese wat gely is as gevolg van voortydige kontrakbeëindiging en werkverlies.
Vissermanne van Saga en Geysir het die verwoestende impak van die Fishrot-skandaal op hul lewensbestaan uitgespreek, met baie wat nie hul gesinne kan onderhou of onderrig vir hul kinders kan bekostig nie.
“Ons kinders moes die skool verlaat omdat ons nie hul onderrig kan bekostig nie,” het een van die vissermanne gesê.
Hulle het ’n beroep op die Yslandse regering en Samherji Saga Seafood gedoen vir finansiële bystand om hul swaarkry te verlig.
IPPR STEL EISE
In die verslag eis die IPPR dat die Yslandse maatskappy, Samherji, amptelik moet erken en om verskoning vra vir sy rol in die korrupsieskandaal wat soveel mense, gemeenskappe en die Namibiese gemeenskap in die algemeen benadeel het.
Verder eis die IPPR dat Samherji volle skadevergoeding aan individue en gemeenskappe bied, wie se lewens ontwrig en verwoes is as gevolg van Fishrot.
“Die IPPR versoek dat ’n onafhanklike Namibiese stigting op die been gebring word wat moet bestaan uit lede van die Namibiese regering, die burgerlike samelewing, relevante vissery-handelsliggame en vissermanne.”
“Hierdie liggaam moet onafhanklik wees en bemagtig word om deursigtige en blywende hulp aan die slagoffers van korrupsie te verskaf,” lui die IPPR-verslag.
Volgens die IPPR beoog hulle om op die verslag voort te bou deur die volle impak van die Fishrot-skandaal op menseregte te bepaal en beplan om ’n studie van stapel te stuur om die ekonomiese skade in meer besonderhede te ondersoek wat deur die Fishrot-skandaal veroorsaak is.
IMPAK VAN KORRUPSIE
Die IPPR se verslag is saamgestel in samewerking met die Britse hoëkommissariaat en Brittanje se hoë kommissaris in Namibië, Charles Moore, het gesê hoewel korrupsie dikwels uitgelig word, word die impak en uitwerking van korrupsie op ’n land se reputasie en ekonomie misgekyk.
Hy het ook beklemtoon dat die impak op individue se lewens selfs verder strek as die eknomiese gevolge van korrupsie.
“Die Fishrot-skandaal het die lewens van individue diep en onomkeerbaar geraak en dit was ver buite hul beheer.”
– [email protected]
Kommentaar
Republikein
Geen kommentaar is op hierdie artikel gelaat nie