’n Warm winter word voorspel
Die gemiddelde temperatuur wat vir die wintermaande (Mei tot Julie) voorspel word, toon ’n gemiddelde styging oraloor die land.
Dit volgens die Namibiese Meteorologiese Dienste se reënvalbulletin vir April.
Die weerdiens voorspel gemiddelde temperature tussen 12 °C en 19 °C oor die grootste deel van die land, terwyl die Ohangwenastreek en dele van die Kunene-, Omusati-, Oshana-, Kavango-Wes- en -Oos- en Zambezistreek na verwagting ’n gemiddelde temperatuur van 20 °C sal ervaar.
“Hoewel ’n styging in die gemiddelde temperatuur voorspel word, is dit belangrik om in gedagte te hou dat dit slegs verwys na die gemiddelde temperatuur gedurende die wintermaande,” het die bulletin aangedui.
April was reeds warmer as gemiddeld oor die grootste deel van die land, behalwe vir die kusgebiede waar ondergemiddelde temperature ervaar is.
Die Kunene-, Omaheke- en westelike Hardapstreek se temperatuur was 3 °C tot 4 °C hoër as die gemiddeld.
Khorixas en Warmquelle in die Kunenestreek het die hoogste temperatuur van die maand op onderskeidelik 41,8 °C en 40,3 °C aangeteken.
Die bulletin het verder gesê dat die meeste dele van die land reënval van 90 mm en minder aangemeld het.
Slegs Otavi en Okondjatu in die Otjozondjupastreek het beduidende reënval van onderskeidelik 110 mm en 103 mm vir die maand ontvang.
Op ’n seisoenale skaal van Oktober tot April het die grootste deel van Namibië ’n ondergemiddelde reënvalseisoen beleef, terwyl ’n maandelikse gemiddeld vir April ook ondergemiddelde reënval oor die grootste deel van die land aandui.
Die gemiddelde maksimum temperatuur was 31,5 °C en die gemiddelde minimum temperatuur 16,1 °C.
“Die gemiddelde maksimum temperatuur is rondom 30°C oor die grootste deel van die land, maar in die hoë 30’s oor die Kunenestreek en Namibwoestyn.”
– [email protected]
Dit volgens die Namibiese Meteorologiese Dienste se reënvalbulletin vir April.
Die weerdiens voorspel gemiddelde temperature tussen 12 °C en 19 °C oor die grootste deel van die land, terwyl die Ohangwenastreek en dele van die Kunene-, Omusati-, Oshana-, Kavango-Wes- en -Oos- en Zambezistreek na verwagting ’n gemiddelde temperatuur van 20 °C sal ervaar.
“Hoewel ’n styging in die gemiddelde temperatuur voorspel word, is dit belangrik om in gedagte te hou dat dit slegs verwys na die gemiddelde temperatuur gedurende die wintermaande,” het die bulletin aangedui.
April was reeds warmer as gemiddeld oor die grootste deel van die land, behalwe vir die kusgebiede waar ondergemiddelde temperature ervaar is.
Die Kunene-, Omaheke- en westelike Hardapstreek se temperatuur was 3 °C tot 4 °C hoër as die gemiddeld.
Khorixas en Warmquelle in die Kunenestreek het die hoogste temperatuur van die maand op onderskeidelik 41,8 °C en 40,3 °C aangeteken.
Die bulletin het verder gesê dat die meeste dele van die land reënval van 90 mm en minder aangemeld het.
Slegs Otavi en Okondjatu in die Otjozondjupastreek het beduidende reënval van onderskeidelik 110 mm en 103 mm vir die maand ontvang.
Op ’n seisoenale skaal van Oktober tot April het die grootste deel van Namibië ’n ondergemiddelde reënvalseisoen beleef, terwyl ’n maandelikse gemiddeld vir April ook ondergemiddelde reënval oor die grootste deel van die land aandui.
Die gemiddelde maksimum temperatuur was 31,5 °C en die gemiddelde minimum temperatuur 16,1 °C.
“Die gemiddelde maksimum temperatuur is rondom 30°C oor die grootste deel van die land, maar in die hoë 30’s oor die Kunenestreek en Namibwoestyn.”
– [email protected]
Kommentaar
Republikein
Geen kommentaar is op hierdie artikel gelaat nie