Sesde warmste Junie in meer as ’n dekade
Namate Namibië in die oorgangsmaande van winter na somer inbeweeg, dui voorspellings op ’n groot kans op bogemiddelde temperature vanaf Augustus tot Oktober oor die Noordooste en kusgebiede, sowel as die sentrale Noorde.
Dit beteken temperature sal geleidelik warmer word as normaalweg in dié betrokke streke.
Volgens die Namibiese Meteorologiese Dienste se jongste klimaatverslag was die gemiddelde temperatuur vir Junie 0,4 °C hoër as die gemiddeld tussen 1991 en 2020, wat dit die sesde warmste Junie op rekord in die afgelope 14 jaar maak.
Die grootste dele van die land het temperature hoër as 14 °C aangeteken, met die warmste temperatuur wat in die noordwestelike dele van die land aangeteken is.
Koeler temperature het volgens die verslag oor die sentrale dele van die binneland voorgekom. Temperature oor die sentrale, noordwestelike en dele van Otjozondjupa, Oshikoto, Ohangwena en Zambezi was tussen -2 °C en 0,5 °C koeler as normaalweg.
Die belangrikste verskil was in die suidweste en Omaheke waar temperature 1,5°C tot 2,5°C warmer as normaalweg was.
Volgens Amerika se Nasionale Oseaniese en Atmosferiese Administrasie (NOAA), ’n wetenskaplike en regulerende agentskap wat die weer voorspel en ook oseaniese en atmosferiese toestande monitor, was temperature vir Junie bogemiddeld oor die meeste wêrelddele. Afrika, Asië en Suid-Amerika het hul warmste Junie op rekord aangeteken.
Volgens die verslag sal ’n smal strook van die noordweste na die suidooste in Namibië koeler temperature as normaalweg vir Augustus tot Oktober aanteken.
“Gemiddelde temperatuurvoorspellings vir Augustus tot Oktober sal na verwagting wissel tussen 15 °C en 25 °C vir die grootste deel van die land, behalwe vir Zambezi waar die gemiddelde temperatuur na verwagting bo 27 °C sal styg,” aldus die verslag.
DAMME
Intussen wys NamWater se dambulletin die gemiddelde vlak van die land se damme het verlede week op 53,4% gestaan vergeleke met verlede jaar se 65,9%.
Die gemiddelde vlak van die damme wat Windhoek van water voorsien staan tans op 15,6%, terwyl die vlak van damme in die Suide op 60,4% staan en dié in die Ooste van die land op ’n gemiddelde vlak van 2,9%.
– [email protected]
Dit beteken temperature sal geleidelik warmer word as normaalweg in dié betrokke streke.
Volgens die Namibiese Meteorologiese Dienste se jongste klimaatverslag was die gemiddelde temperatuur vir Junie 0,4 °C hoër as die gemiddeld tussen 1991 en 2020, wat dit die sesde warmste Junie op rekord in die afgelope 14 jaar maak.
Die grootste dele van die land het temperature hoër as 14 °C aangeteken, met die warmste temperatuur wat in die noordwestelike dele van die land aangeteken is.
Koeler temperature het volgens die verslag oor die sentrale dele van die binneland voorgekom. Temperature oor die sentrale, noordwestelike en dele van Otjozondjupa, Oshikoto, Ohangwena en Zambezi was tussen -2 °C en 0,5 °C koeler as normaalweg.
Die belangrikste verskil was in die suidweste en Omaheke waar temperature 1,5°C tot 2,5°C warmer as normaalweg was.
Volgens Amerika se Nasionale Oseaniese en Atmosferiese Administrasie (NOAA), ’n wetenskaplike en regulerende agentskap wat die weer voorspel en ook oseaniese en atmosferiese toestande monitor, was temperature vir Junie bogemiddeld oor die meeste wêrelddele. Afrika, Asië en Suid-Amerika het hul warmste Junie op rekord aangeteken.
Volgens die verslag sal ’n smal strook van die noordweste na die suidooste in Namibië koeler temperature as normaalweg vir Augustus tot Oktober aanteken.
“Gemiddelde temperatuurvoorspellings vir Augustus tot Oktober sal na verwagting wissel tussen 15 °C en 25 °C vir die grootste deel van die land, behalwe vir Zambezi waar die gemiddelde temperatuur na verwagting bo 27 °C sal styg,” aldus die verslag.
DAMME
Intussen wys NamWater se dambulletin die gemiddelde vlak van die land se damme het verlede week op 53,4% gestaan vergeleke met verlede jaar se 65,9%.
Die gemiddelde vlak van die damme wat Windhoek van water voorsien staan tans op 15,6%, terwyl die vlak van damme in die Suide op 60,4% staan en dié in die Ooste van die land op ’n gemiddelde vlak van 2,9%.
– [email protected]
Kommentaar
Republikein
Geen kommentaar is op hierdie artikel gelaat nie