Suide damme die volste
Neckartal op 97,7%
Die nasionale damme is tans 79,5% vol – ʼn rapsie minder as verlede jaar dieselfde tyd, toe dit op sowat 82,2% gestaan het.
Damme in die suide is tans die volste in die land – en op ʼn gemiddeld van 88,3% – selfs voller as wat dit verlede jaar dieselfde tyd was.
Volgens NamWater se damverslag is die jongste stand van dié damme soos volg: Die Neckartaldam staan op 97,7% (837,404 miljoen kubieke meter of Mm³), terwyl die Hardapdam nog 65% (191,555 Mm³) vol is.
Die Nautedam is 93,8% (78,438 Mm³) vol, gevolg deur die Oanobdam wat nog 77,2% (26,630 Mm³) water oor het.
Die Bondelsdam is leeg en die Dreihukdam het 10% (1,549 Mm³) water oor.
Die damme se stand oortref selfs die nasionale gemiddeld, wat tans op 79,5% staan. Nasionale damme is dus ʼn rapsie slegter daaraan toe as verlede jaar dieselfde tyd, toe die gemiddeld nog 82,2% was.
Die drie damme wat sentrale gebiede van die land van water voorsien, hou gemiddeld ook nog 54,1% water. Die Swakoppoortdam is die volste op 87,6% (55,603 Mm³), gevolg deur die Von Bachdam wat nog 51,4% (24,447 Mm³) vol is en die Omatakodam wat 8,3% (3,599 Mm³) oor het.
Die Friedenau- en Goreangabdam het onderskeidelik 85,7% (5,764 Mm³) en 93,4% (3,381 Mm³) water oor.
Die ooste se damme is tans gemiddeld 21,2% vol, met die Daan Viljoendam wat die volste is op 49,4% (0,212 Mm³), gevolg deur die Otjivero-hoofdam wat op 34,5% (3,384 Mm³) staan en sy slikdam wat 2,5% (0,191 Mm³) water oor het. Die Tilda Viljoendam is nog 24,1% (0,295 Mm³) vol.
Die Olushandjadam hou ook tans nog sowat 12,3% (5,634 Mm³) water.
GOEIE VERWAGTINGE
Dit kom terwyl weervoorspellers meen nog ‘n La Niña is op pad – vir die derde agtereenvolgende jaar.
'n La Niña-weerverskynsel word dikwels met beter reënneerslae in Suider-Afrika vereenselwig, terwyl neutrale toestande nóg ʼn positiewe, nóg ʼn negatiewe invloed het. Boonop voorspel verskeie klimaatmodelle dat ʼn negatiewe Indiese Oseaan-dipool (IOD) oor die komende maande kan ontwikkel – wat ook goed is vir reënneerslae in Suider-Afrika.
Amerika se Nasionale Oseaniese en Atmosferiese Administrasie (NOAA) het in hul jongste vooruitskouing op 14 Julie gesê voorspellers het konsensus bereik dat La Niña-toestande ten minste vir die res van 2022 sal heers.
Die kans dat La Niña-toestande vanjaar weer vanaf die lente tot in die vroegsomer die “weer”-leisels sal oorneem, staan nou op tussen 62% en 66%.
Daarteenoor is die kanse dat neutrale El Niño-Suidelike Ossillasie (Enso)-toestande tussen Julie en September sal intree, net sowat 39%.
Die kans dat El Niño-toestande kan ontwikkel, staan deurgaans op minder as 10%, sê die NOAA.
– [email protected]
Volgens NamWater se damverslag is die jongste stand van dié damme soos volg: Die Neckartaldam staan op 97,7% (837,404 miljoen kubieke meter of Mm³), terwyl die Hardapdam nog 65% (191,555 Mm³) vol is.
Die Nautedam is 93,8% (78,438 Mm³) vol, gevolg deur die Oanobdam wat nog 77,2% (26,630 Mm³) water oor het.
Die Bondelsdam is leeg en die Dreihukdam het 10% (1,549 Mm³) water oor.
Die damme se stand oortref selfs die nasionale gemiddeld, wat tans op 79,5% staan. Nasionale damme is dus ʼn rapsie slegter daaraan toe as verlede jaar dieselfde tyd, toe die gemiddeld nog 82,2% was.
Die drie damme wat sentrale gebiede van die land van water voorsien, hou gemiddeld ook nog 54,1% water. Die Swakoppoortdam is die volste op 87,6% (55,603 Mm³), gevolg deur die Von Bachdam wat nog 51,4% (24,447 Mm³) vol is en die Omatakodam wat 8,3% (3,599 Mm³) oor het.
Die Friedenau- en Goreangabdam het onderskeidelik 85,7% (5,764 Mm³) en 93,4% (3,381 Mm³) water oor.
Die ooste se damme is tans gemiddeld 21,2% vol, met die Daan Viljoendam wat die volste is op 49,4% (0,212 Mm³), gevolg deur die Otjivero-hoofdam wat op 34,5% (3,384 Mm³) staan en sy slikdam wat 2,5% (0,191 Mm³) water oor het. Die Tilda Viljoendam is nog 24,1% (0,295 Mm³) vol.
Die Olushandjadam hou ook tans nog sowat 12,3% (5,634 Mm³) water.
GOEIE VERWAGTINGE
Dit kom terwyl weervoorspellers meen nog ‘n La Niña is op pad – vir die derde agtereenvolgende jaar.
'n La Niña-weerverskynsel word dikwels met beter reënneerslae in Suider-Afrika vereenselwig, terwyl neutrale toestande nóg ʼn positiewe, nóg ʼn negatiewe invloed het. Boonop voorspel verskeie klimaatmodelle dat ʼn negatiewe Indiese Oseaan-dipool (IOD) oor die komende maande kan ontwikkel – wat ook goed is vir reënneerslae in Suider-Afrika.
Amerika se Nasionale Oseaniese en Atmosferiese Administrasie (NOAA) het in hul jongste vooruitskouing op 14 Julie gesê voorspellers het konsensus bereik dat La Niña-toestande ten minste vir die res van 2022 sal heers.
Die kans dat La Niña-toestande vanjaar weer vanaf die lente tot in die vroegsomer die “weer”-leisels sal oorneem, staan nou op tussen 62% en 66%.
Daarteenoor is die kanse dat neutrale El Niño-Suidelike Ossillasie (Enso)-toestande tussen Julie en September sal intree, net sowat 39%.
Die kans dat El Niño-toestande kan ontwikkel, staan deurgaans op minder as 10%, sê die NOAA.
– [email protected]
Kommentaar
Republikein
Geen kommentaar is op hierdie artikel gelaat nie